Amatùr di radio
Amatùrnan di radio ta hasi kontakto ku otro amatùrnan di radio na kualké otro parti di mundu òf te asta den espasio pa medio di nan radio. Pa esaki, nan ta hasi uzo di ekiponan ku nan mes ta traha òf kumpra a base di interes personal pa komunikashon i téknika di radio. Un amatùr di radio ta eksperimentá tambe ku ekipo di transmishon i ku antèna. Tipo di eksperimentonan asina tin mas ku 100 aña ku a forma e base pa desaroyo di komunikashon di radio i telekomunikashon.
Amatùr di radio for di den eksterior
Bo ta bishitá un di e islanan na Hulanda Karibense i bo a pasa èksamen kaba? Si bo ta den poseshon di un registrashon hulandes òf lisensia estranhero, e ora ei den hopi kaso bo mag ehersé bo hòbi komo amatùr di radio bou di e lisensia ei riba e islanan tambe. Si bo ta bin di un di e islanan pa un periodo mas largu (mas di 3 luna), e ora ei si bo mester pidi un pèrmit. Si bo ta duda den bo lisensia tuma kontakto ku nos.
Bai den eksterior
Bo ta biaha pa eksterior? E ora ei den hopi kaso bo por transmití bou di bo pèrmit di BES. Si bo ta bai den eksterior pa un periodo kòrtiku (te ku 60 dia) e ora ei den mayoria pais oropeo (CEPT), bo no mester pidi pèrmit. Esei ta konta tambe pa Merka. Bo ‘Radio Amateur Station License’ mayoria bia ta sufisiente.
Tin bia bo mester tin un sertifikado HAREC òf Novice. Bo por pidi e sertifikado akí serka RDI.
Mas informashon bo por haña riba e wèpsait di e outoridat di e pais kaminda bo ta bai. Informashon mas amplio tokante e reglanan na Oropa bo ta haña riba e wèpsait di CEPT. Na Merka bo ta haña e informashon akí riba e wèpsait di FCC.
‘Call sign’
Si bo pidi un pèrmit, bo ta risibí di RDI un ‘call sign’, loke nan ta yama tambe nòmber di identifikashon di radio. Ku e nòmber di identifikashon akí ta posibel pa identifiká bo.
Pa Hulanda Karibense un nòmber di identifikashon ta kuminsá ku e lèternan PJ i un sifra ku kua ta distinguí e isla (e prefiho). Pa Boneiru esaki ta un 4, pa Sint-Eustatius un 5 en pa Saba un 6. Despues ta sigui dos òf tres lèter mas (e sufiho). Bo mes por skohe e sufiho, si esaki no ta den uzo ainda.
Pa kasonan spesial, manera pa stashon0 di klup, repeater i durante kompetensianan internashonal, bo por pidi un pèrmit spesial ku un sufiho di un lèter.
Klek aki pa e formulario di petishon pa Amatùr di radio.