Ekiponan ku no mester di pèrmit
Tin mag di usa algun ekipo sin pèrmit. Nan mester kumpli si ku sierto kondishonnan: nan mester funshoná riba e frekuensianan korekto i e señal ku nan ta transmití no mag di ta fuerte di mas. Den tur kaso e ekiponan mester tin un marka di CE òf FCC. *
Paga tinu! No ta tur aparato ta permití.
Bo por haña e frekuensianan riba kua un aparato ta funshoná den e manual òf riba un steker riba e aparato mes.
Uzo di aparato ku ta funshoná den e banda di frekuensia 902 – 928 MHz ta liber na Merka, pero no ta permití na Hulanda Karibense.
E banda 863 – 870 MHz ta liber na Oropa, pero no ta permití pa us’é na Hulanda Karibense.
Bo ta hasi uso tòg di e aparato? E ora ei bo ta okashoná interferensia riba por ehèmpel e ret di telefòn mobil òf di servisionan di asistensia. Bo ta kore e riesgo e ora ei ku ta konfiská bo ekipo. No ta kompensá e gastunan di e ekipo.
Un alternativa pa e bandanan ariba menshoná ta por ehèmpel 433 MHz. Tuma kontakto ku RDI pa e posibilidatnan.
Den e Regeling Vrijstelling Telecommunicatie-machtiging BES 2016 (Areglo Eksonerashon Pèrmit di Telekomunikashon BES 2016) tin tur e aplikashonnan ku bo mag usa sin pèrmit. Akibou tin esnan mas importante. Pa e frekuensianan riba kua e ekipo mester traha, wak e referensia den e kolòm na man drechi.
Aplikashon |
Bandanan di frekuensia permití |
| Telefònnan sin waya òf aparatonan di DECT, destiná pa konekshon fiho | Anekso 1 |
| Ekipo di CB (Citizens Band, 27Mc, tambe yamá “bakkies”) | Anekso 2 |
| Portofonnan PMR446 (oropeo) i Family Radio (merikano) | Anekso 4 |
| Telemetria, telecommand, servisio di alarma, dato en general i otro aplikashonnan semehante. Por ehèmpel: stashon meteorológiko, ‘mouse’ i teklado sin waya, domotica, habridó di porta di garashi etc. | Anekso 7, Kat. 1 |
|
Aplikashonnan di dato di banda hanchu (wifi) |
Anekso 7, Kat. 2-3 |
| Detekshon i siñalamentu di moveshon | Anekso 7, Kat. 5 |
| Servisio di alarma | Anekso 7, Kat. 6 |
| Implantenan médiko aktivo | Anekso 7, Kat. 7 |
|
Komunikashon di oudio sin waya (mini transmisornan di FM) |
Anekso 7, Kat. 8 |
| Sistemanan di yamada (‘piepers’) | Anekso 7, Kat. 9 |
| Komunikashonnan di oudio sin waya (headphone sin waya, mikrofon pa personanan ku mester di ayudo) | Anekso 7, Kat. 10 |
| Remote control | Anekso 7, Kat. 11 |
| Sistemanan induktivo | Anekso 7, Kat. 12 |
| Aplikashonnan di RFID (portanan kontra ladronisia etc.) | Anekso 7, Kat. 13 |
| Aparato di radar di alkanse kòrtiku (Short Range Radar) | Anekso 7, Kat. 14 |
*[Tèstnan di sertifikashon CE/FCC ta garantisá ku diseñonan di produkto nobo ta kuadra ku e normanan stipulá. Tipo di tèstnan asina ta obligatorio pa un gran variedat di produkto ku ta diseñá pa e merkadonan di Oropa/Merka.]
Wak den e spesifikashonnan di un produkto, promé ku bo disidí di kumpra. Si por ehèmpel e aparato ta funshoná den alkanse di frekuensia 902 – 928 MHz òf 863 - 870? No kumpra e produkto e ora ei. Den kaso di duda tuma kontakto ku RDI.