Legislashon i regulashon di telekomunikashon
E base pa tur regla ku ta na vigor pa telekomunikashon na Boneiru, Sint Eustatius i Saba ta e Wet telecommunicatievoorzieningen BES (Lei Suministro di telekomunikashon BES). Bou di esaki atrobe ta kai un kantidat di desishon i regla, e asina yamá regulashon mas abou. Den e resúmen aki bou tin tur legislashon i regulashon kaminda Rijksinspectie Digitale Infrastructuur ta okupá ku e ehekushon i e supervishon.
Wet telecommunicatievoorzieningen BES (Wtv BES)
(Wtv BES, Lei Suministro di komunikashon BES)
E Wtv BES prinsipalmente ta regla e preseptonan den relashon ku uso di aparato di telekomunikashon. E ora ei ta trata di e konseshonnan pa e infrastruktura di telekomunikashon (telefonia fiho i mobil), aparato pa transmishon di radio ku mester di un outorisashon, aparato despensá (sin outorisashon, èksamen di transmishon di radio, atmishon di aparato i diferente forma di supervishon, (kùrmentu, inspekshon i imponé sanshon).
Desishon pa instrukshon di un supervisor Wet telecommunicatievoorzieningen BES
(Lei Suministro di telekomunikashon BES)
E desishon aki ta regla ken ta e supervisornan pa e Wtv BES.
Besluit draadomroep en kabelinrichtingen BES
(Desishon emisora di waya i ekipashon di kabel BES)
Aki den a inkorporá e reglanan pa kabel di telekomunikashon (entre nan kabel marítimo) i televishon via kabel.
Besluit opgedragen telecommunicatiediensten BES
(Desishon enkargo di servisionan di telekomunikashon BES)
Aki den a inkorporá e reglanan tokante e instalashon i eksplotashon di e infrastruktura di telekomunikashon di konseshonario. E desishon aki ta trata di e diferente servisionan ku por enkargá un konseshonario kuné.
Besluit radio-elektrische inrichtingen BES
(Desishon institushon radio-eléktriko BES)
Aki den a inkorporá e regulashon pa e trafikashon, poseshon, instalashon i e uso òf e eksplotashon di aparato di transmishon i resepshon. Ku e reglanan aki ta promové e uso efisiente di e espasio di frekuensia.
Esaki ta enserá ku e Agensia Telecom ta pèrkurá pa aparato di transmishon i resepshon kousa mas poko interferensia posibel riba otro aparato. Di nan parti e aparatonan tambe mester tin sufisiente resistensia kontra interferensia di otro aparato. Esaki e Agensia Telecom ta hasi pa medio di husga si por atmití aparato riba merkado i pone kondishon na e uso di esakinan.
(Desishon amatùr di radio BES)
Aki den a inkorporá e reglanan ku amatùr di transmishon di radio mester tene nan mes na dje ora usa aparato di transmishon di radio.
(Desishon aparato marginal BES)
Den e desishon aki a inkorporá e reglanan pa e negoshi di aparato marginal i e eksigensianan tékniko ku esakinan mester kumpli kuné. Esaki e Agensia Telecom ta hasi, evaluando si por atmití e aparatonan riba merkado.
Besluit telecommunicatie scheepvaart BES
(Desishon telekomunikashon nabegashon BES)
Aki den a inkorporá regla ku ta konta spesífikamente pa e instalashon, e presensia i e uso di aparato di telekomunikashon na bordo di barku i na stashon na kosta.
Besluit vrijstelling zendmachtiging overheidsinstanties BES
(Desishon dispensashon di outorisashon di transmishon pa instansha di gobièrnu BES)
Koninklijke Marine (Marina Real), Wardakosta área Karibense i ministerio di Infrastruktura i Maneho di Awa no tin mester di un outorisashon pa uso di e espasio di frekuensia. E areglo aki ta regla e uso di frekuensia di e instanshanan di gobièrnu aki.
Regeling amateurradiozendexamens BES
(Areglo di èksamen di amatùr di transmishon di radio BES)
E areglo aki ta kontené stipulashon pa e èksamennan pa amatùr di transmishon di radio.
Regeling maritieme radiocommunicatie examens BES
(Areglo di èksamen di komunikashon di radio marítimo BES)
E areglo aki ta kontené stipulashon pa e èksamennan pa komunikashon di radio marítimo.
Regeling vergoeding telecommunicatievoorzieningen Rijksinspectie Digitale Infrastructuur BES 2022
(Areglo kompensashon di suministro di telekomunikashon RDI BES 2022)
Den e areglo aki tin stipulashon tokante kompensashon ku e agensia ta pidi pa por ehèmpel outorisashon, èksamen, kùrmentu, supervishon i notifikashon di interferensia.
Regeling vergoedingen telecommunicatieconcessies Rijksinspectie Digitale Infrastructuur BES 2015
(Areglo kompensashon di konseshon di telekomunikashon Agensia Telecom BES 2015)
Den e areglo aki tin stipulashon tokante kompensashon ku e agensia ta pidi pa konseshon.
Regeling vrijstelling telecommunicatiemachtiging BES 2016
(Areglo dispensashon di outorisashon di telekomunikashon BES 2016)
Den e areglo di dispensashon aki tin e kondishonnan pa e uso di aparato di radio ku no tin mester di outorisashon.