Tarifanan

E rekompensanan akí tin di aber ku konsedé supervishon di konseshon ta pará den e Regeling vergoedingen telecommunicatieconcessies Rijksinspectie Digitale Infrastructuur BES 2015 (Areglo rekompensa pa konseshon di telekomunikashon Inspekshon di Infrastruktura Digital di Reino BES 2015).

Loke ta kobra pa e otro trabounan, manera otorgá lisensia, supervishon di esaki, kùrmentu i emishon di deklarashon di atmishon, ta para den e Regeling vergoeding telecommunicatievoorzieningen Rijksinspectie Digitale Infrastructuur BES 2022 (Areglo pa rekompensa di fasilidat pa telekomunikashon Inspekshon di Infrastruktura Digital di Reino BES 2022).

Pa e rekompensanan ta manda un faktura. Bo ta haña 30 dia di tempu pa paga e faktura. Tene kuenta ku banko por kobra gastu di transakshon, pasobra ta paga e faktura den un divisa strañero. Den e kaso ei bo ta hasi e pago di e faktura oumentá ku e suma di gastu di banko. RDI mester risibí e suma kompleto di e faktura.

Ora bo lubidá di paga e faktura na tempu, bo ta risibí ainda promé un rekordatorio i un aanmaning. Si den di tres término di pago RDI no a risibí ningun pago ainda? E ora ei lo traspasá e debe habrí pa nos deurwaarder di korte.

Una bes ku entregá e kobransa na nos deurwaarder, e opshon di drenta un akuerdo ku RDI, manera drenta un areglo di pago, no ta posibel mas. E gastunan di e kobransa dor di deurwaarder ta bai pa bo kuenta.

Si bo no ta den e posibilidat di paga un debe den un solo bia, RDI por duna posponementu di pago dor di drenta un areglo di pago. E siguiente kondishonnan ta mará na un areglo di pago:

• E debe mester ta pagá den un periodo di un aña despues di fecha di e faktura;
• Durante e areglo di pago no por traspasá un konseshon òf outorisashon na un otro partido;
• Ora ku no paga un término, ta traspasá e debe sin aviso, inmediatamente pa e deurwaarder;
• Un petishon pa término di pago mester ta entregá 30 dia despues di e fecha di e faktura.

Ademas, e petishon mester ta kontené e siguiente datonan:

• Nòmber, adrès i firma di e petishonario (e persona ku ta responsabel i tin outorisashon di firma);
• Number di e faktura pa kua ta hasi petishon di pago;
• Proposishon relashoná ku e kantidat di término;
• Motivashon dikon no por paga e debe den un solo bia.

Si bo tin pregunta tokante e faktura òf e realisashon di un areglo di pago, ta mihó pa tuma kontakto ku nos via e direkshon di meil BES@rdi.nl.