Den e di tres kuartal di 2025 merkansia i servisio pa konsumidó tabata 3,3 porshento mas karu ku un aña anterior. Den e di dos kuartal inflashon a suma 5,3 porshento. Esaki CBS ta informá basá riba e índise di preis di konsumidó Hulanda Karibense.
Na Saba preisnan den e di tres kuartal di 2025 tabata 3,5 porshento mas karu ku un aña anterior. Den e di dos kuartal inflashon a tabata 4,2 porshento. Na Sint Eustatius inflashon a tabata 1,9 porshento den e di tres kuartal. Un kuartal anterior esaki tabata 1,1 porshento.
Preisnan na Boneiru a baha ku 0,8 porshento
Na Boneiru preisnan a baha den e di tres kuartal ku 0,8 porshento kompará ku e di dos kuartal di 2025. E kousa di e bahada aki tambe ta prinsipalmente pa motibu di gastunan di alohamentu, awa i elektrisidat a baha ku un promedio di 6,4 porshento. Asina e preisnan di suministro di awa i elektrisidat a baha ku respektivamente 29, 0 i 6,9 porshento. Esaki ta pa motibu ku a introdusí e supsidio di awa di bebe i elektrisidat - ku a para na komienso di 2025- di nobo for e di tres kuartal. Den e di tres kuartal produktonan alimentisio i bebida sin alkohòl a bira 1,6 porshento mas karu kompará ku e di dos kuartal. Transporte di pasahero den aéreo a bira 12, 8 mas karu.
Preisnan na Saba tambe mas abou
Na Saba preisnan den e di tres kuartal di 2025 a baha ku 0,1 porshento kompará ku e di dos kuartal di 2025. Meskos ku na Boneiru kousa di e bahada aki tabata prinsipalmente pa motibu di preis di alohamentu, awa i energia. E preis di elektrisidat a baha ku 11,3 porshento, akinan tambe dor ku a bolbe introdusí e supsidio di energia. Preis di suministro di awa a baha ku 10,6 porshento.
Preisnan di paña i sapatu a subi ku 3,2 porshento kompará ku e aña anterior, prinsipalmente pa paña mucha, pa dama i paña pa kabayero. Preis di produktonan alimentisio i bebida sin alkohòl a subi ku 1,2 porshento. Esaki pa un gran parti ta konsekuensia di subida di preis di berdura fresku
Preisnan na Sint Eustatius 1,0 porshento mas haltu ku e kuartal anterior
Na Sint Eustatius preisnan di konsumidó a subi den e di tres kuartal di 2025 ku 1,0 porshento kompará ku e di dos kuartal di 2025. Paña i sapatu a bira 3,4 porshento mas karu.
Meskos ku na Saba paña pa mucha, pa dama i paña i sapatu pa kabayero a subi mas tantu na preis. Preisnan di produktonan alimentisio i bebida sin alkohòl a bira 1,2 porshento mas karu. Esaki na gran parti paso fruta i berdura fresku a bira mas karu.
Awa i elektrisidat a bira mas ekonómiko kompará ku e kuartal anterior. Meskos ku na Boneiru e ta pa motibu ku a bolbe introdusí e supsidio di awa di bebe i di elektrisidat, loke ku a para na e komienso di e aña aki.
Sifranan tentativo
Sifranan di e di tres kuartal di 2025 ta tentativo i lo stipulá nan definitivamente na momento di publikashon di e kuater kuartal di 2025.
Fuentenan
StatLine - Caribisch Nederland - https://opendata.cbs.nl/CBS/nl/dataset/84046NED/table?dl=BFA9
Mas informashon
Pa mas informashon tokante e inflashon di Hulanda Europeo: https://www.cbs.nl/nl-nl/reeksen/tijd/consumentenprijzen
Imágen: © CBS
Imágen: © CBS