Atrobe mas trahadó na Hulanda Karibense den 2024
E poblashon aktivo di 15 te 75 aña na Hulanda Karibense, a subi te ku 17,5 mil den 2024. Esaki ta 12 porshento mas ku den 2022. Partikularmente na Boneiru mas hende tabatin trabou. Na Saba tambe mas hende tabatin trabou, pero tabata trata di un kresementu relativamente chikitu. Na Sint Eustatius e kantidat di trahadó a baha. Esaki ta resultá for di e mas resien Investigashon di forsa laboral Hulanda Karibense di CBS.
Na Boneiru e poblashon aktivo a krese ku 1,8 mil (+14 porshento) te ku 14,7 mil persona. Na Boneiru 73,8 porshento di tur persona di 15 te 75 aña di edat tabatin trabou. Na 2022 e partisipashon laboral nèto akí tabata ainda 72,5 porshento. E partisipashon laboral nèto ta e porshon di personanan bou di e poblashon total di 15 te 75 aña, ku tin trabou.
Na Sint. Eustatius 1,8 mil persona tabatin trabou, , 3 porshento ménos ku den 2022. Ku esei e partisipashon laboral nèto a baha di 72,9 porshento na 71,4 porshento.
Na Saba 67,2 porshento di e poblashon di 15 te 75 aña, tabata traha. 1,1 mil persona tabatin trabou, 90 mas ku na 2022.
Mas hende lokal i mas imigrante trahando
E kantidat di trahadó lokal na Hulanda Karibense a subi di 2022 te ku 2024 ku 1,1 mil na 9,3 mil. Trahadónan lokal ta trahadónan ku a nase riba un di e islanan di anterior Antia Hulandes (Hulanda Karibense òf Aruba, Kòrsou òf Sint Maarten).
Tambe a traha 8,3 mil persona ku no a nase riba un di e islanan [splikashon di trahadónan nasé otro parti] di anterior Antia Hulandes. Nan ta 800 mas ku den 2022.
Kresementu relativamente grandi di trahadó nasé pafó di Boneiru
Den 2024, 10,2 mil persona ku no a nasé na Boneiru tabatin trabou na Boneiru, 1,5 mil mas ku den 2022. Di nan 20 porshento a nasé na Kòrsou i 15 porshento na Hulanda Oropeo.
Tres di kada dies trahadó na Boneiru tabata boneriano di nasementu. Relativamente frekuente nan tabata traha den atministrashon públiko i servisionan gubernamental, den kuido di salu i di bienestar i den konstrukshon i komersio. Kompará ku e bonerianonan di nasementu, imigrantenan tabata traha relativamente frekuente den konstrukshon i hóreka.
Na Sint Eustatius relativamente hopi trahadó di Repúblika Dominikana
Di e trahadónan na Sint Eustatius 37 porshento tabata stashano di nasementu. Na 2022 esei tabata 40 porshento. Nan tabata traha partikularmente den atministrashon públiko i servisionan gubernamental, i den enseñansa i industria.
Banda di stashanonan di nasementu, relativamente hopi persona ku a nase na Repúblika Dominikana (14 porshento) tabata traha na Sint Eustatius. Kompará ku stashanonan di nasementu, imigrantenan tabata traha relativamente frekuente den konstrukshon.
Porshon di sabanonan di nasementu bou di trahadónan na Saba ta baha
Di e poblashon aktivo na Saba, 29 porshento tabata sabano di nasementu. Na 2022 esei tabata 31 porshento. Kasi mitar di e sabanonan (45 porshento) tabata traha den atministrashon públiko i servisionan gubernamental.
Di tur e trahadónan, 780 persona no a nase na Saba. Na 2022 eseinan ainda tabata 700. Asina por ehèmpel mas òf ménos 1 di kada 10 trahadó a nase na Colombia. Kompará ku sabanonan di nasementu, imigrantenan tabata traha relativamente frekuente den konstrukshon, komersio, hóreka i enseñansa.
Fuentenan
StatLine - Caribisch Nederland; arbeidsdeelname, kerncijfers
https://opendata.cbs.nl/statline/#/CBS/nl/dataset/83165NED/table?dl=C34C9
StatLine - Caribisch Nederland; arbeidsdeelname, geboorteland
https://opendata.cbs.nl/statline/#/CBS/nl/dataset/83167NED/table?dl=C34CA
StatLine- Caribisch Nederland; werkzame beroepsbevolking, bedrijf SBI 2008
https://opendata.cbs.nl/statline/#/CBS/nl/dataset/83169NED/table?dl=C34CB
Konekshonnan relevante
Notisia - Aantal werkenden Caribisch Nederland in 2022 verder toegenomen | CBS
Splikashon
Si un dunadó di trabou na Hulanda Karibense ke tuma un hende den servisio ku no tin nashonalidat hulandes òf merikano, e ta obligá pa promé hasi esfuersonan demostrabel pa yena e vakatura lokalmente òf denter di e nashonalidatnan menshoná. Solamente si esaki no ta posibel, i no tin kandidatonan adekuá disponibel, e dunadó di trabou por – bou di kondishonnan estrikto i temporalmente – tuma un empleado stranhero den servisio. Un pèrmit di trabou ta nesesario pa esaki.