Eksplotashon kriminal di hóben: kampaña ‘for di Gara’ ta bati alarma
Riba djadumingu 10 di yüni, kampaña di konsientisashon ‘For di Gara’ a kuminsá. E momentu prinsipal a tuma lugá djaweps 12 di yüni na VMBO na Boneiru, kaminda e promé akshon a tuma lugá. E kampaña ta dirigí riba hóben na Boneiru, Sint Eustatius i Saba, i ta pidi atenshon pa e problema di eksplotashon kriminal kresiente.
Aparte di e inisio na VMBO, e kampaña lo sigui tambe den e aña eskolar nobo na Liseo Boneriano i na Comprehensive School Saba i Gwendolyn van Putten School na Sint Eustatius.
Mas i mas hóben ta bira víktima
Mas i mas hóben — hopi biaha sin nan mes sa — ta keda aserka pa hende ku ke usa nan pa aktividat kastigabel pa lei. Loke ta kuminsá chikitu, manera buska òf pasa kos pa un otro, òf fia un hende bo kuenta bankario, por tin konsekuensia grandi. Hopi biaha esaki ta tuma lugá bou di preshon, engaño òf chantage.
Akshon ku pamflèt i chekeo di riesgo na skol
Durante e akshon, studiante di VMBO a risibí un pamflèt ku señalnan di atenshon i un kódigo QR pa bai na e chekeo di riesgo ònlain. ‘Influencernan’ lokal, IND CN, KPCN, KMar i RIEC CN a bai den kòmbersashon ku e hóbennan pa hasi e tema diskutibel.
Na mes momentu tabata tin anunsio den korant, spòt di radio, mensahe riba ret sosial i referensia pa http://www.rijksdienstcn.com/fordigara. Riba e wèpsait hóben i mayor por wak si ta kore riesgo i kiko por hasi si tin duda.
Rekonosé e señalnan
Eksplotashon kriminal hopi biaha ta kuminsá ku:
• Un trabou ku mester keda sekreto
• Promesa di sèn òf kos rápidamente
• Un hende ku ta pidi bo pa “keda fiel”
• Menasa ku redu òf informashon privá
Tin duda? Papia tokante dje
Duda ta sufisiente pa tuma akshon. Papia ku un mèntòr, dosente òf un trahadó di ayudo. Bo por mèldu òf buska konseho via e liña di tep anónimo di KPCN: 9310 òf via meil: meldmensenhandel@politiecn.com
Mas informashon i chekeo di rísiko: http://www.rijksdienstcn.com/fordigara