Inflashon na Hulanda Karibense ta sigui subi den e di dos kuartal di 2026

Na Sint Eustatius, den e di dos kuartal di 2026, preis tabata 5.2 porshento mas haltu ku e aña anterior. Den e promé kwartaal, inflashon tabata 4.6 porshento. Na Saba, inflashon tabata 5.0 porshento den e di dos kuartal. Den e promé kuartal, inflashon tabata 3.4 porshento.

Preis na Boneiru ta subi ku 1,8 porshento

Preis na Boneiru a subi ku 1,8 porshento den e di dos kuartal kompará ku e promé kuartal di 2026. Kousa di e oumento aki ta debí prinsipalmente na un subida di 5,6 porshento den preis di transporte. Gasolin a bira 11,7 porshento mas karu i buelonan a bira 7,5 porshento mas karu.

Den e di dos kuartal, bèrdura fresku a bira 5,2 porshento mas karu. E sektor di hospitalidat tabata 3,2 porshento mas karu ku un kuartal promé.

Preisn na Sint Eustatius ta subi ku 1,5 porshento

Na Sint Eustatius, preis a subi ku 1,5 porshento den e di dos kuartal di 2026, kompará ku e promé kuartal di 2026. Meskos ku na Boneiru, kousa di e oumento aki ta debí prinsipalmente na subida di preis di transporte. E preis di gasolin a subi ku 7,2 porshento i preis di buelo a subi ku 10,5 porshento.

Meskos ku na Boneiru, bèrdura fresku a bira mas karu.

Preisnan na Saba ta subi ku 2,3 porshento

Na Saba, preis di konsumidó a subi ku 2,3 porshento den e di dos kuartal kompará ku e promé kuartal di 2026. Na Saba tambe, kousa di e oumento di preis tabata debí prinsipalmente na gastunan di transporte mas haltu. Gasolin tabata 20,9 porshento mas karu ku un kuartal anterior, i preis di buelo tabata 9 porshento mas haltu.
Kuminda i bebida no-alkohóliko a bira 2,9 porshento mas karu. Esaki ta debí prinsipalmente na e oumento di preis di bèrdura fresku, kuminda kongelá i kòfi.