Temperaturanan mas haltu, áwaseru pisá, velosidatnan mas haltu di bientu, subida di nivel di laman, i orkannan di e kategoria di mas pisá: rumbo pa futuro, e klima lo sigui kambia mas aleu. P’esei, Gobièrnu Sentral ta trahando un Strategia Nashonal pa Adaptashon Klimátiko (NAS) nobo. Esaki ta kontené loke ta nesesario pa un Hulanda resistente na klima; awor í den futuro. For di 9 di yüni ta posibel pa yuda pensa tokante e ambishon- i metanan pa Hulanda Karibense.
E ta posibel pa medio di reakshon riba konsepto di e Strategia Nashonal pa Adaptashon Klimátiko 2026. Na fin di 2026 lo stipulá e strategia.
Minister Vincent Karremans di Infrastruktura di Maneho di Awa (Infrastructuur en Waterstaat): “Den e añanan ku ta tras di lomba naturalmente hopi atenshon i rekurso a bai den baha emishon di gasnan dañino pa medio ambente, pero hopi ménos den kon nos por adaptá mas mihó na un klima ku a kambia. Siendo ku ta konsehabel pa hasi esei kaba: ya nos ta mira awor kon áwaserunan pisá ta kousa eroshon den e zona kostal, i e temperaturanan ya ta bastante mas haltu ku algun aña pasá. Awor nos mester wak padilanti: kon nos ta tene nos reino seif i resistente? Ku tempu, mester bin eskohonan kla, i p’esei ta importante pa tuma desishonnan na ora tokante e medidanan ei.”
Ambishon- i metanan pa kada sektor
Den e strategia a elaborá pa kada sektor kua ta e ambishonnan ku Reino tin i kua meta lo stipulá. Ta hasi distinshon entre Hulanda Oropeo i Hulanda Karibense. E efektonan di kambio di klima ta diferente, pero rònt Hulanda nos ke pa e infrastruktura sigui funshoná bon, pa hendenan ta protehá kontra inundashon i orkan, i ku ta prevení pèrdida di patrimonio importante.
Mehorá konosementu, despues tuma medida
Aktualmente, nos ta trahando riba mehorashon di e konosementu tokante e efektonan di kambio di klima na e tres islanan. E rapòrt ta indiká riba kua di e puntonan nos ke mehorá e konosementu ei. Nos ke enfatisá ku esaki klaro no ta e resultado final: paralelo na esei nos ta trahando riba medidanan tambe. Un aserkamentu konkreto ta biniendo pa kada isla, kaminda e plannan di klima ku e islanan ta desaroyando aktualmente ta forma un base importante. E Entidatnan Públiko lo desaroyá e plannan di klima ei den kolaborashon ku e habitantenan.
Mas informashon
Di djamars 9 di yüni te ku djaluna 20 di yüli 2026, tur hende por entregá un punto di bista tokante e konsepto di programa Strategia Nashonal pa Adaptashon Klimátiko (Konsepto-NAS) i e informe tokante e efektonan riba medio ambiente korespondiente (planMER). Pa mas informashon wak https://papiamentu.rijksdienstcn.com/infrastruktura-i-maneho-di-awa/adaptashon-di-klima