Mi ta un empleado i mi ta na estado

Bo dunadó di trabou ta mèldu digital

Entrante promé di yüli 2021 a digitalisá e proseso pa mèldu ferlòf i hasi petishon di pèrdida di salario. Bo dunadó di trabou ta mèldu esaki kuater te dos siman promé ku e fecha ku bo ferlòf ta drenta na vigor riba e portal di wèp di SZW via MijnCN. Pa por mèldu esaki, bo dunadó di trabou tin mester di e karta di bo partera den kua ta menshoná e fecha di parto ku ta spera. Bo por duna bo dunadó di trabou un kopia di e karta akí.

Si pa motibu di privasidat no kier kompartí e karta akí ku bo dunadó di trabou, bo por kompartí e karta akí direktamente ku nos. Esei por mandando un skèn di e karta ku e-mail pa ld.szw@rijksdienstcn.com.

Fecha di inisio

Bo mag bai 6 te 4 siman promé ku bo fecha di parto ku ferlòf di embaraso. Si bo ta na estado di mas ku un yu, bo por bai ku ferlòf 10 te 8 siman promé ku bo fecha di parto. Loke bo tuma di ménos na ferlòf di embaraso, bo mag pone ariba serka bo ferlòf di parto.

Si bo beibi nase despues di e fecha di parto kalkulá, bo ferlòf di parto no ta bira mas kòrtiku. E ta inisiá riba e dia despues di bo parto i ta kontinuá for di e momentu ei 10 siman mas. Bo ferlòf total por bira pues e ora ei mas largu ku 16 siman (20 siman ku un parto di mas ku un yu).

Si bo beibi nase promé ku e fecha kalkulá, bo ferlòf no ta bira mas kòrtiku. Semper bo tin un total di 16 siman di ferlòf pagá (20 siman ku un parto di mas ku un yu).

Medidanan di protekshon adishonal

Desde promé di yanüari 2021 tin medidanan adishonal pa protehé empleadonan embarasá òf ku a kaba duna lus.

Por ehèmpel durante bo embaraso no por obligá bo pa hasi trabou entre 00.00 or i 06.00 or. Durante e promé nuebe lunanan bo tin tambe derechi riba ferlòf pa pòmp lechi i duna kuminda durante orario di trabou. Komo empleado bo mester informá bo dunadó di trabou adelantá si bo ta bai hasi uzo di esaki. Bo tin derechi riba maksimal un kuart di bo oranan di trabou diario pa esaki.

Mas informashon tokante bo situashon personal? Tuma kontakto ku nos.

Bebi a nase muchu lat

Si bo bebi nase mas lat ku e fecha di parto kalkulá, bo ferlòf di maternidat no ta bira mas kòrtiku. E ta inisiá e dia despues di bo parto i ta sigui for di e momentu ei pa 10 siman mas. Bo ferlòf total pues por bira mas ku 16 siman.

Bebi a nase muchu tempran

Si bo bebi nase promé ku e fecha kalkulá, bo ferlòf no ta bira mas kòrtiku. Bo tin semper derechi riba un total di mínimo 16 siman ferlòf pagá.

Medidanan di protekshon adishonal

Entrante promé di yanüari 2021 tin medidanan adishonal pa protehá empleado ku ta na estado òf esnan ku a kaba di duna lus.

Asina no por obligá bo pa traha mardugá ora bo ta na estado, esta entre 12’or di anochi i 6’or di mainta. Tambe bo tin derechi riba ousensia pa kolf i duna pechu bou di ora di trabou durante e promé nuebe lunanan despues di parto.  Komo empleado bo mester informá bo dunadó di trabou di antemano si bo ta bai hasi uso di esaki. Bo tin derechi riba máksimalmente un kuart di bo oranan di trabou pa dia.

Mas informashon tokante bo situashon personal? Tuma kontakto ku nos òf pasa na e ora di konsulta pèrdida di salario.