Ferlòf pa embaraso
Kada empleado na Hulanda Karibense tin derechi riba kontinuashon di pago ora ta trata di embaraso. Na total e empleado tin derechi riba kontinuashon di pago kompletu di su salario durante 16 siman. Den kaso di embaraso di mas ku un yu, un empleado tin derechi riba 20 siman di ferlòf ku kontinuashon di pago kompletu di su salario. E dunadó di trabou por rekobrá e gastunan salarial aki via di e pago di pèrdida di salario.
Tambe tin medidanan adishonal pa protehá empleado ku ta na estado òf esnan ku a kaba di duna lus.
Pa mas informashon, klek riba e lenk siguiente ku ta aplikabel pa bo.
Pa e legislashon i regulashon ofisial tokante ferlòf pa embaraso bo ta haña e Lei Seguro di enfermedat BES aki.
Por lesa mas tokante e ampliashon bálido for di promé di yanüari 2021 pa empleado na estado òf ku resien a haña yu, den kapítulo 3A di Arbeidswet 2000 BES.