Kambionan den bo situashon personal
Pa por alkansá bo di un forma bon i pa hasi bo pago na tempu, ta importante pa bo notifiká nos di kambionan den bo situashon personal. Den e siguiente situashonnan bo mester duna notifikashon di e kambionan.
Mudansa
Bo ta duna e Unidat SZW bo adrès nobo dentro di 14 dia. Bo por pasa serka e Unidat SZW pa esaki, òf ‘download’ e formulario di kambio. Manda e formularionan kompletá huntu ku un scan di e pruebanan pidí pa kinderbijslag@rijksdienstcn.com. Solamente e persona ku a hasi e petishon pa kompensashon pa yu, por duna notifikashon di un kambio.
Paga tinu! Ora bo muda pa Hulanda Oropeo, bo tin mester di un komprobante di paro di e kompensashon pa yu pa bo por hasi un petishon pa kompensashon di nobo. Tuma kontakto ku nos sekshon di kompensashon pa yu promé ku bo sali.
Mi tin un number di kuenta di banko nobo
Bo ta duna e Unidat SZW bo datonan bankario nobo, mas pronto ku ta posibel . Bo por pasa serka e Unidat SZW pa esaki, òf ‘download’ e formulario di kambio. Manda e formularionan kompletá huntu ku un scan di e pruebanan pidí pa kinderbijslag@rijksdienstcn.com. Solamente e persona ku a hasi e petishon pa kompensashon pa yu por duna notifikashon di un kambio.
Otro kambionan
Nos ta apresiá si bo manda nos kambionan den bo number di telefòn òf e-mail adrès, pa asina nos por alkansá bo fásilmente i direktamente.