Kompensashon dòbel pa yu ku kuido intensivo

Algun mucha ku un malesa òf afekshon mester di hopi kuido intensivo. E kuido aki ta trese gastunan adishonal kuné. Mayornan di e muchanan aki entrante promé di yüli 2026 por entrega un petishon pa kompensashon pa yu dòbel.

Bo tin derechi pa kompensashon pa yu ku kuido intensivo pa media di un malesa òf afekshon, si:

• Abo ta risibí kompensashon pa yu pa e yu pa kende bo ta entregá un petishon;
• E yu den e periodo aki tin òf ta kumpli minimal 3 aña òf mas (te ku 17 aña);
• Ta trata di un kaso di kuido intensivo pa motibu di enfermedat òf afekshon determiná.

E tim di evaluashon médiko ta wak 10 sekshon pa kua bo yu lo por tin mester di kuido, por ehèmpel riba tereno di higiena korporal, muha/susha karson, kome i bebe, mobilidat, komportashon i kuido médiko. Kada sekshon e tim di evaluashon ta duna un punto si por konsiderá e nesesidat di kuido intensivo. E kantidat di punto ta determiná si e konseho ta positivo òf negativo.

Bo ke sa eksaktamente kon e nesesidat di kuido ta keda determiná? Download e PDF ‘Kuadro di evaluashon’.

E montante di e kompensashon ta igual na e montante aplikabel pa e kompensashon pa yu regular den e aña kalendario relevante.Un mayor/kuidadó ku tin derecho riba un kompensashon pa un yu ku ta rekerí kuido intensivo, ta risibí pues dos biaha e montante di kompensashon pa yu.

Den 2026 e montante aki ta stipulá na: $239 pa luna pa yu na Boneiru, $227 na Sint Eustatius i $238 na Saba.

Pone atenshon: E montantenan ariba menshoná ta montantenan bruto. Esaki ta nifiká ku bo mester paga impuesto di entrada riba e montante aki si bo entrada anual (inkluso e kompensashon) ta mas haltu ku e sumo liber di impuesto ku ta konta den e aña ku bo ta risibí e montante. Tene kuenta ku esaki.