Bo yu mester di kuido intensivo i bo tin derechi riba kompensashon pa e yu aki? E ora ei di promé òktober te ku 15 di dezèmber 2025 bo por hasi petishon pa un kompensashon di 3.982,76 dòler bruto si bo yu tin 3 aña òf mas, pero no a kumpli 18 aña ainda. Mayor-/i mayornan di kriansa ku a risibí e kompensashon aña pasa i ku ainda ta kumpli ku e kondishonnan pa kompensashon pa yu, no tin mester di hasi un petishon di nobo. Nan lo risibí un karta kaba tokante esaki.
E unidat SZW di RCN mes no por determiná ku bo yu mester di kuido intensivo. Tokante esaki nos ta haña konseho médiko via Sentro Akseso (Boneiru) òf ‘Public Health’ (Saba i Statia). Pa hasié mas fásil pa bo, bo por entregá e petishon pa e kompensashon pa yu ku kuido intensivo direktamente serka e siguiente organisashonnan. Nan por yuda bo ku yenamentu di e lista di pregunta médiko tambe.
djaluna te ku djabièrnè di 8 ‘or di mainta te ku 5 ‘or di atardi
Preventiekliniek Sint Eustatius / Prevention clinic
Adrès
Charles A. Woodley Road (banda di botika)
Telefòn
Yama (+599) 318 2891 pa traha un sita
Community Develop Department Saba
Adrès
Upper Road 4, The Bottom
Orario di apertura
Riba djaweps di 2’or te ku 4’or di atardi
Si akaso bo no bini na remarke pa e kompensashon pa yu ku kuido intensivo, e organisashon aki kisas lo por yuda bo si ku otro sosten òf guia pa kuido di bo yu.
1. Yena e formulario di petishon i e lista di pregunta médiko.
Un kolaboradó di Sentro Akseso (Boneiru), Preventiekliniek (St Eustatius) i Community Development (Saba) por yuda bo ku yenamentu di e lista di pregunta médiko. Despues bo ta firma ku bo ta di akuerdo i ta duna pèrmit pa pidi dato médiko di bo yu.
2. Hiba e formulario di petishon i e lista di pregunta médiko pa Sentro Akseso (Boneiru), e Preventiekliniek (Sint Eustatius) òf Community Developmment (Saba)
Pèrkurá pa bo hasi esaki mas pronto ku ta posibel, pero pa mas tardá riba 15 di dezèmber 2025. Ta pidi bo pa mustra ID (sedula) di e persona ku ta hasi e petishon. Esaki ta pa evitá mal uso.
3. Ta evaluá bo petishon den e tim di evaluashon médiko.
Bo yu tin mester di kuido intensivo?
Wak aki e kuadro di evaluashon ku e tim di evaluashon ta usa.
4. Unidat SZW di RCN ta disidí ku bo ta haña un kompensashon pa yu ku kuido intensivo òf no.
Bo ta risibí un karta tokante esaki ku e desishon.
5. Desishon positivo? Bo ta haña e kompensashon riba bo kuenta di banko.
E kompensashon lo keda transferí denter di dos siman despues di e desishon na e kuenta di banko riba kua bo ta haña kompensashon pa yu tambe.
Algun mucha ku un malesa òf afekshon mester di hopi kuido intensivo. E kuido aki ta enserá èkstra gastu. Mayornan di e muchanan aki despues lo por pidi kompensashon pa yu dòbel pa kubri e gastunan aki parsialmente. Pasombra introdukshon di e kompensashon dòbel pa yu lo tarda un poko ainda, pasombra trahamentu di lei semper ta tuma tempu, minister Schouten (maneho di pobresa, partisipashon i penshun) a primintí e kompensashon aki na mei 2022 pa kompensashon di e kompensashon dòbel pa yu.
Bo tin derechi pa kompensashon pa yu ku kuido intensivo pa media di un malesa òf afekshon, si den e periodo di promé di òktober te ku 15 di dezèmber 2025:
Abo ta risibí kompensashon pa yu pa e yu pa kende bo ta entregá un petishon;
E yu den e periodo tin òf ta kumpli 3 aña òf mas (te ku 17 aña);
Ta trata di un kaso di kuido intensivo pa motibu di enfermedat òf afekshon determiná.
E tim di evaluashon médiko ta wak 10 sekshon pa kua bo yu lo por tin mester di kuido, por ehèmpel riba tereno di higiena korporal, muha/susha karson, kome i bebe, mobilidat, komportashon i kuido médiko. Kada sekshon e tim di evaluashon ta duna un punto si por konsiderá e nesesidat di kuido intensivo. E kantidat di punto ta determiná si e konseho ta positivo òf negativo.
Bo ke sa eksaktamente kon e nesesidat di kuido ta keda determiná? Download e PDF ‘Kuadro di evaluashon’.
Si. Si bo yu ta kumpli 3 aña den e periodo di promé di promé òktober te ku 15 di dezèmber 2025i bo tin derechi riba kompensashon pa yu, bo por entregá un petishon si bo yu mester di kuido intensivo pa konsekuensia di un enfermedat òf afekshon. Un tim di evaluashon ta hasi e evaluashon médiko.
Si. Si bo tin 17 aña ainda den parti di e periodo di promé di promé òktober te ku 15 di dezèmber 2025i bo tin derechi riba kompensashon pa yu, bo por entregá un petishon si bo yu mester di kuido intensivo pa konsekuensia di un enfermedat òf afekshon. Un tim di evaluashon ta hasi e evaluashon médiko.
Lamentablemente esei no ta posibel. Bo mester entregá e petishon pa mas tardá 15 di dezèmber 2025na Sentro Akseso (Boneiru), e Preventiekliniek (Sint Eustatius) òf Public Health (Saba).
Un mayor/kuidadó ku tin derecho riba un kompensashon pa un yu ku ta rekerí kuido intensivo, ta risibí 3.982,76 dòler riba su kuenta di banko.
Pone atenshon: Esaki ta un montante bruto. Esaki ta nifiká ku bo mester paga 30,4% na impuesto di entrada riba e montante aki si bo entrada anual (inkluso e kompensashon) ta mas haltu ku e sumo liber di impuesto ku ta konta den e aña ku bo ta risibí e montante. Pues, ta mihó pa bo reservá 1.210,76 dòler pa paga e impuesto. E ora ei bo ta sobra mas o ménos 2.772 dòler ku bo por gasta pa bo yu. Esaki ta e montante nèto despues ku a kita e impuesto.
