Preguntanan Frekuente tokante kompensashon pa yu

Ta paga kompensashon pa yu na final di luna, semper promé ku e promé dia di e siguiente luna.

Bo ta risibí kompensashon pa yu for di e luna ku bo ta kumpli ku tur kondishon, riba promé di e luna ei.. Legalmente SZW tin un máksimo di 8 siman pa prosesá bo petishon, pero mayoria di biaha esaki ta sosodé mas lihé.

• Sòru di manda tur dokumento nesesario pa evitá retraso.

Sí, pa risibí kompensashon pa yu bo mester tin un kuenta di banko lokal. Esaki ta nifiká: un kuenta na un banko ku ta establesé na Hulanda Karibense.

No, e entrada di e mayornan òf mayor di kriansa no tin influensia riba e derecho di kompensashon pa yu.

Mèldu kambiomas lihé posibel na SZW pa evitá retraso òf interupshon:

• Mudansa den òf pa pafó di Hulanda Karibense: notifiká bo adrès nobo denter di 14 dia despues ku bo a kambia esaki na departamentu di asuntunan sivil (burgerzaken).
• Number di kuenta di banko nobo: Manda bo datonan bankario nobo mesora.
• Kambio den datonan di kontakto: Duna notifikashon di un number di telefòn òf adrès di meil nobo pa komunikashon rápido.
• Estudio den eksterior (pa muchanan menor di 18 aña): Manda tur aña un prueba di inskripshon di e instituto di enseñansa.

Kompensashon pa yu ta un regalu i no mester pag’é bèk.

Tuma kontakto ku SZW promé ku bo sali i pidi un prueba di kanselashon. Bo tin mester di esaki pa por hasi un petishon di nobo pa kompensashon pa yu na un pais oropeo (Hulanda).

Sí, pa kada yu nobo bo mester entregá un petishon di nobo. Tin un formulario kòrtiku disponibel pa mayor/mayor di kriansa ku ta risibí kompensashon pa yu kaba.

No, kompensashon pa yu ta sigui tanten ku bo yu ta menor di 18 aña, inkluso si bo yu ta risibí finansiamentu di estudio. Si bo yu menor di edat bai studia den eksterior, bo mester manda tur aña un prueba di inskripshon di e instituto di enseñansa pa evitá ku ta para e kompensashon pa yu inhustamente.