SZW ta wak bèk riba enkuentronan pa grandinan eksitoso
E unidat di Asuntunan Sosial i di Labor (SZW) di RCN, huntu ku Fundashon Konsulta pa Grandinan Boneiru (FKG) i e departamentu di Sosten Sosial i mediashon di merkado laboral (MOA) di Entidat Públiko Boneiru, a informá grandinan den e diferente sentronan di bario na Boneiru den e 5 simannan tras di lomba.
E diferente organisashonnan a papia tokante di e derecho – posibilidatnan pa e grandinan riba e isla. Banda di informashon tokante di e penshun, SZW a presentá tambe informashon tokante otro tiponan di ònderstant. Asina a papia tokante di e posibilidatnan di ònderstant, ku por ofresé komplementá ora ku un penshonado su penshun ta redusí. A toka e tema di Kompensashon pa yu tambe komo ku grandinan no tur ora ta na altura si nan tambe tin derecho riba esaki ora nan nietunan ta biba serka nan. Ademas esnan presente por a laga kontrolá nan informashon di penshun, partisipá na un investigashon pa ku e situashon di grandinan riba e isla i tambe hasi pregunta na e partidonan presente.
Komo ku diferente partido konhuntamente tabatei presente den e barionan, por a alkansá mas hende i a presentá diferente posibilidatnan pa grandinan mas kla pa e grupo di enfoke. SZW ta wak bèk positivamente riba e enkuentronan den bario.
Si bo a pèrdè e enkuentronan, òf si bo ke mas informashon tokante di bo situashon personal? E ora ei SZW ta invitá bo pa pasa durante di un di su oranan di konsulta. E oranan di konsulta di penshon ta djaluna, djárason i djabièrnè di 8 or te ku 11.30 or di mainta na e kantor di SZW den Centrumgebied. Na Rincon e ora di konsulta ta 1 biaha den dos siman riba djamars di 9 or pa 11 or di mainta den e ofisina ouksiliar di gobièrnu na Kaya Miguel Pourier.