Tiendanan ta kapta remarkenan di Inspekshon di labor bon
Den e periodo di sèptèmber 2016 te aprel 2017 Inspekshon di labor a ehekutá un proyekto di inspekshon den sektor di komèrsio por detal na Hulanda Karibense.
Na promé lugá a informá e kompanianan pa medio di enkuentronan di informashon riba kiko Inspekshon di labor ta paga tinu durante un inspekshon. Huntu ku esei a pone material di informashon na disposishon.
Despues a ehekutá 86 inspekshon. Serka 83 kompania a konstatá 1 òf mas violashon. Remarkabel ta ku hopi violashon tabata relashoná ku aspektonan di siguridat básiko, manera falta di un kaha di ferbant pa promé asistensia i aparatonan di paga kandela.
Entretantu a bolbe ehekutá un kantidat grandi di kontrol kaminda Inspekshon di labor a konstatá ku e kompanianan a tuma e medidanan korekto pa eliminá e violashonnan. Inspekshon di labor ta haña ku esei bal un kòmplimènt i ta rekonosé asina tambe ku kooperashon ta importante pa tene tur hende seif i salú!