Dunadó di enkargo tambe ta responsabel ora ta trata di kombatimentu di labor ilegal

Siman pasa Inspekshon di Labor a konfrontá un dunadó di enkargo partikular tokante di lagamentu di ehersé labor ilegal. Ta trata aki di no kumpli ku Lei di Labor pa estranheronan BES (WavBES). 

Bouwen op Bonaire

Na komienso di 2017 a informá tur dunadó di trabou tokante di e reglanan di e WavBES i kon e lei ta hinka den otro.  Na e momentu ei a splika tambe ku ta trata di e asina yama responsabilidat di kadena. Esaki ta nifiká ku e dunadó di enkargo tambe ta responsabel pa kumplimentu ku e WavBES. Irespekto ku bo a duna enkargo komo partikular òf komo kompania.

Den e kaso menshoná e partikular a duna enkargo na un kompania di konstrukshon pa konstruí un kas. E kompania di konstrukshon a pone un estranhero ku tabata permanesé na Boneiru komo turista, traha. E kompania di konstrukshon no tabatin e pèrmit di trabou nesesario. Tantu e kompania di konstrukshon komo e dunadó di enkargo a risibí un atvertensia pa esaki. Den kaso di ripitishon tur dos lo risibí un prosèsferbal. Pa intermediashon di KPCN i KMAR a manda e estranhero bek pa su pais di orígen.

Mas informashon tokante kumplimentu ku e WavBES por haña riba www.RijksdienstCN.com bou di unidat di SZW. Pa pregunta por yama ku e number general di Unidat di SZW +599 715 8888.