Akshon multidisiplinario na sitio di konstrukshon
Djárason 22 di òktober último, KPCN, KMar, Belastingdienst CN i Inspekshon di Labor a realisá un akshon na un sitio di konstrukshon den Kralendijk. E akshon tabata dirigí primeramente riba kòntròl di trahadónan ilegal.
Banda di esei a kontrolá tambe seguridat di trabou na e sitio di konstrukshon i a verifiká pago di impuesto. A kontrolá un total di 55 persona.
Tres persona a purba evitá di ta parti di e kòntròl dor di kore bai. Polis a logra gara dos di e tres hende hòmbernan aki. E dos personanan no por a mustra pèrmit bálido i a transportá nan pa warda di polis pa interogashon. Polis no a logra gara e di tres persona.
Inspekshon di Labor i Ofisina di Impuesto lo sigui investigá tur informashon kompilá den e dianan benidero. No a konstatá iregularidat relashoná ku seguridat di trabou.