Suèldu mínimo i pagonan adishonal ta subi entrante promé di yanüari 2020

Entradanan na Hulanda Karibense ta sigui subi entrante promé di yanüari 2020. Ministerio di Asuntunan Sosial i di Labor ta subi e suèldu mínimo na Boneiru ku 6,2%, na Saba ku 5,3% i na Sint Eustatius ku 2,7%. E inflashon ta inkluí den esaki. E montante di e otro pagonan tambe ta subi.

Dollars

Mayor i tutornan lo risibí mas kompensashon pa yu atrobe na 2020. Na Boneiru e montante lo bira 83 dòler pa kada yu pa luna. Na Saba e montante aki ta 84 dòler i na Sint Eustatius 85 dòler. Entrante 2020 ta introdusí tambe un kompensashon pa personanan kompletamente i permanentemente inkapasitá pa traha i pa personanan ku derechi riba AOV. Ku esaki nan entrada lo yega en todo kaso na mes nivel ku Suèldu Mínimo Legal pa luna. 

Den e akuerdo di gobernashon, Gabinete a indiká ku pa Hulanda Karibense, mehorashon di perspektiva ekonómiko tin prioridat. Pa yega na esaki, entradanan mester subi i gastunan di bida mester baha. Ministerio di SZW a introdusí un pakete inisial di medida na 2019, pa halsa Suèldu Mínimo Legal, kompensashon pa yu i ònderstant. Banda di esaki a baha e prima pa dunadónan di trabou, pa nan haña mas espasio pa hisa salario di nan empleadonan. Ku e medidanan entrante promé di yanüari 2020, e Ministerio a introdusí un siguiente pakete. 

Ta publiká e montantenan definitivo den ‘Staatscourant’.