Bishita di trabou di Sekretarionan di Estado Van Ark i Knops
Dianan 6 te ku 10 di yanüari 2019 Minister van Nieuwenhuizen (di Ministerio di Infrastruktura i Medio Ambiente), Sekretario di Estado van Ark (di Asuntunan Sosial i Empleo) i Sekretario di Estado Knops (di Ministerio di Asuntonan Interno i Relashon di Reino) lo realisá un bishita di trabou na Sint Maarten, Saba, Sint Eustatius i Boneiru.
E bishita ta enfoká riba entre otro rekonstrukshon di Isla’Riba, renobashon di proyektonan grandi di infrastruktura i kombatimentu di pobresa na Hulanda Karibense.
Durante di e bishita e mandatarionan ku ta responsabel pa e karteranan aki mes por tuma nota di e desaroyo i retonan ku e islanan tin i kon Den Haag por antisipá di e mihó forma riba esakinan.
Bou di guia di Sekretario di Estado Knops e delegashon lo hiba vários kombersashon i lo bishitá vários sitio. Den e akuerdo di gobernashon di Gobièrnu Hulandes tin e ambishon fuerte pa mehorashon na Hulanda Karibense i e paisnan Karibense den Reino. E bishita aki ta kuadra ku e ròl di kordinadó ku e Sekretario di Estado di BZK tin pa, huntu ku e mandatarionan responsabel pa e diferente karteranan, bishitá e parti Karibense?) di Reino.
E bishita ta kuminsá 6 di yanüari na Sint Maarten. Dia 7 di yanüari e delegashon ta na Saba, riba 8 di yanüari na Sint Eustatius i riba 9 i 10 di yanüari na Boneiru.