Ampliashon medidanan di protekshon pa empleada embarasá
Na Hulanda Karibense tur empleado tin derechi riba 16 siman di ferlòf pa embaraso ora ku nan ta spera yu. E dunadó di trabou mester sigui paga salario kompleto durante e ferlòf di embaraso i parto. Na su turno, e dunadó di trabou por risibí reembolso di e sèn aki via di e pago pa pèrdida di salario di unidat SZW di RCN.
Na komienso di 2021 a amplia e ‘Arbeidswet 2000 BES’ ku medidanan di protekshon pa empleado embarasá òf ku a duna lus resientemente. E dunadó di trabou mester organisá e trabou di tal forma ku e empleado na estado no ta traha mardugá (entre 12or di anochi i 6or di mainta).
Tambe e empleado tin derechi riba ousensia pa kòlf i duna pechu bou di ora di trabou durante e promé nuebe lunanan despues di parto. E empleado mester informá e dunadó di trabou di antemano si e ta deseá di hasi uso di esaki. E tin derechi riba máksimalmente un kuart di su oranan di trabou pa dia. Si e ta traha por ehèmpel 8 ora pa dia, e tin derechi riba máksimalmente 2 ora di ousensia (pagá) pa kòlf òf duna e yu pechu.
Pa mas informashon tokante ferlòf pa embaraso, tira un bista riba e página
papiamentu.rijksdienstcn.com/asuntunan-sosial-i-labor/seguro-sosial/ferlof-pa-embaraso. Aki por mira tambe un lenk pa e legislashon i regulashonnan ofisial tokante e tema aki i un lenk pa e ampliashon di medida pa empleado embarasá òf ku a duna lus resientemente.