Konta riba tereno di Idioma (“Tel mee met Taal”)
E aña aki atrobe ta posibel pa instansia na Hulanda Karibense entregá petishon pa supsidio pa e programa di akshon “Tel mee met Taal” (“Konta riba tereno di Idioma”) di e ministerionan di OCW, BZK, SZW i VWS. E meta di e programa aki ta pa pèrkurá pa mas tantu hende posibel disponé di sufisiente abilidat básiko pa por partisipá kompletamente den nos komunidat. Ke men, ta trata di abilidat básiko manera lesa, skibi, konta, i abilidat digital.
Esnan ku por pidi e supsidio ta dunadó di trabou, organisashon sosial, instansia manera skol, organisashon di akohida di mucha promé i despues di skol, sentro di kuido den enseñansa, ofresedó di tweede kans onderwijs (edukashon di di dos oportunidat), biblioteka i departamento di e Entidatnan Públiko ku den nan klientenan (por ehèmpel mayornan) ta haña nan enfrentá ku analfabetismo, nivel di alfabetisashon abou òf retraso riba tereno di konta i abilidat digital na nivel básiko.
A reservá un presupuesto spesial pa petishon for di Hulanda Karibense.
Por dediká e supsidio “Tel mee met Taal” (“Konta riba tereno di Idioma”) na aktividat manera por ehèmpel kurso, lès òf bijles, duná den e idioma di papiamentu òf ingles, tanten ku ta trata di desaroyo di alfabetisashon i abilidat pa konta i abilidat digital na un nivel básiko. Pero bo por hasi un apelashon na e fondonan aki tambe pa promoshon òf merkadeo di bo aktividat bou di kursista potensial.
E plaso di solisitut ta sera dia 28 di febrüari 2022.
Pa mas informashon
Mas informashon tokante e programa di supsidio ta disponibel riba www.telmeemettaal.nl/subsidie.
Pregunta tokante e programa di supsidio aki bo por hasi via www.dus-i.nl/contact. Por download e formulario di petishon via www.dus-i.nl/supsidios/tel-mee-met-taal.