Marklin Eustachia ta bai ku penshun
Riba 5 di novèmber tras di lomba Marklin Eustachia, e kara di e departamento di Asuntu di labor, a despedí di unidat RCN di Asuntunan Sosial i Empleo (SZW). Marklin for di 1997 a traha na Asuntu di labor, na promé instante pa Entidat Públiko i for di 10-10-10 pa e unidat SZW di RCN.
Durante di su despedida el a bisa ku semper el a disfrutá traha ku hende i pa yuda hende ku su problema laboral: “Ounke mi ta konsiente ku no tur ora por solushoná tur kos, esaki a bira mas fásil sí debí na mi ret di kontakto.” Na SZW semper Marklin tabata un gran kolega: si bo puntr’é pa yudansa, semper e ta kla pa asistí. Erik Brakke (na man robes riba pòtrèt), Hefe di unidat SZW di RCN a gradisí Marklin Eustachia, na nòmber di tur kolega di unidat SZW di RCN pa su frankesa i enbolbimentu. Sr. Brakke a deseá Marklin prosperidat durante su penshun bon meresí.
Relashoná ku despedida di Markin Eustachia e departamento di Asuntu di labor di unidat SZW di RCN tin orario di konsulta te promé di yanüari 2023 riba djaluna te ku djabièrnè, di 8’or te 10’or di mainta. Despues di 10’or persona ku tin pregunta tokante asuntu laboral por akudí ku sita previo. Asuntu di labor ta mihó alkansabel via telefòn di 1:30’or te 4’or di atardi, via e number di telefòn (+599) 715 8371.