Komienso di komishon ku ta hasi investigashon riba sosial mínimo na Hulanda Karibense

Notisia | 17-02-2023 | 00:00

A base di un moshon for di Tweede Kamer a forma un komishon independiente ku ta bai hasi investigashon riba kiko kas di famia na Boneiru, Saba i Sint Eustatius tin mester pa por lora kuné i tambe partisipá den e sosiedat. E investigashon aki su enfoke ta mas grandi ku investigashonnan anterior riba sosial mínimo. Tambe e komishon ta wak e rekurso di e ekonomia lokal i di ki manera ta stipulá e sosial mínimo.Tin atenshon pa entrada i kosto di mantenshon di bida di e abitantenan. 

Na e momentu aki no tin un sosial mínimo stipulá pa Hulanda Karibense. E komishon ta aspirá pa presentá e rapòrt final mas tardá promé di òktober 2023. Durante di e investigashon e esfuerso di Gabinete pa mehorá e siguridat sosial na Hulanda Karibense ta sigui konstantemente. 

Konosementu di e islanan

Anteriormente ministerio di Asuntunan Sosial i Empleo a forma un komishon pa hasi investigashon riba e sosial mínimo di Hulanda Oropeo. Ta publiká e rapòrt final aki tambe e aña aki. Gabinete ta opta pa stipulá un komishon apart pa Hulanda Karibense pa motibu ku ta importante pa e miembronan tin konosementu spesífiko di e islanan i tambe e ekonomia.

E miembronan di e komishon independiente ta trese ekspertisio huntu for di siensia, kontenido Karibense i konosementu di reglamentu di henter Reino Hulandes. Nan ta laborá entre otro na universidat, organisashon sosial, mundu di negoshi i Nibud. Algun di e miembronan ta òf a residensiá na Boneiru, Saba i Sint Eustatius. E miembronan ta tuma asiento riba título personal.
E konstelashon ta lo siguiente:

• Dhr. mr. dr. G. A. E. Thodé (voorzitter)
• Dhr. G. Berkel, BSc
•  Dhr. P.R.J. Comenencia, MA
• Dhr. B. F. El Hage
• Mw. S.A. Heilbron
• Mw. C.A. Ortega-Martijn, BSc
• Mw. prof. mr. dr. W.L. Roozendaal
• Dhr. dr. A. Vliegenthart