Kooperashon reforsá pa kombatí pobresa na Boneiru i medidanan adishonal pa Hulanda Karibense
Durante e konferensia di trabou ‘Huntu kombatí pobresa’ organisá konhuntamente pa Entidat Públiko Boneiru (EPB) i Gobièrnu Sentral, ámbos partido a fortifiká e kolaborashon den un deklarashon final ku akuerdonan di trabou konkreto. Tambe minister Carola Schouten a anunsiá medidanan adishonal kontra pobresa.
E retonan riba e islanan ta grandi. Durante e konferensia tur hende tabata di akuerdo: e enfoke di kombatimentu di pobresa mester bai pa traha riba bienestar i bienestar general. No a papia solamente di entrada, pero tambe pasonan ku mester tuma pa redusí gastu i organisá ayudo di debe adekuadamente. Minister Schouten a enfatisá ku regulashonnan mester tei pa hende i no kontrali. I tambe ku mester atendé e retonan ku tei konhuntamente. Huntu ku diputado Craane e la puntra tur partido pa traha huntu. Algu ku Reino i OLB mes a konkretisá ku firmamentu di un deklarashon final.
A diskutí tambe kua ta e retonan pa krea oportunidat igual i laga tur hende partisipá den sosiedat. EPB enfátikamente tin e papel di koordinashon pa loke ta trata maneho lokal di pobresa i ta diseñá un plan di ruta kon pa logra e aña akí mes un aserkamentu integral pa prevení, kombatí i aliviá pobresa.
Minister Schouten:
“E nesesidat ta haltu. Lástimamente nos konosé e situashonnan agudo di mucha ku ta bai skol ku un stoma bashí. Di hende ku tin dos djòp i ainda no ta logra. Hopi bia mi ta bisa ku mi ideal ta ku hende tin trabou. Akinan esei ta ku hende mester tin un trabou. Pa realmente yuda, nos mester traha huntu. E problema no ta trata solamente un persona. Huntu nos mester buta pasonan. I esei ta loke nos a hasi awe. Pa huntu sigui konstruí un bida ku tin balor. Mi ta keda hasi esfuerso pa logra esei.”
Diputado Jolinda Craane:
“Un pilar importante den e manera di ataká pobresa tambe ta pa invertí den desaroyo i prevení retraso serka nos muchanan. Di manera ku nos por ta sigur ku aweró nan ta haña oportunidatnan igual. Pa un aserkamentu sostenibel di pobresa no solamente e plaka mester yega pa habitantenan, pero nos mester traha huntu riba un sosiedat den kua tur hende por partisipá i saka lo mihó ku nan tin aden.”
OLB ta tuma kòntròl den e maneho di pobresa lokal i a traha un plan di akshon pa e aña aki mes yega na un maneho integral pa prevení, kombatí i aliviá pobresa. Minister Schouten a anunsiá di buta 550.000 EURO na disposishon spesífikamente pa e programa aki. Tambe e la anunsiá di buta 100.000 EURO na disposishon pa e komienso di e pilot ku ta hasi trabou na midí posibel. E enfoke konhunto ta pa krea oportunidat igual i laga tur hende partisipá den sosiedat. Fin di e aña akí e plannan konkreto mester ta ratifiká den akuerdonan atministrativo entre EPB i Gobièrnu Sentral.
Medida adishonal pa tur isla
Banda di e koperashon reforsá, minister Schouten tambe a anunsiá medida adishonal pa hinter Hulanda Karibense. Asina por ehèmpel entrante 1 di òktober 2023 ta subi ònderstant pa personanan ku ta biba nan so i AWW i nos ta habri un di dos periodo pa e reglamentu temporal Dubbele Kinderbijslag Intensieve Zorg, antisipando riba introdukshon di e reglamentu struktural. Ta ekstendé e supsidio di energia pa kasnan ku un entrada abou pa 2023.
Minister Schouten:
“Mi ta enfatisá: nos ta bai establesé un mínimo sosial. Mas lat e aña aki e Komishon mínimo sosial Hulanda Karibense ta duna konseho, teniendo kuenta ku e tempu di awor ku gastunan ku ta subi. Entretantu nos no ta para ketu. Nos ta keda traha riba bienestar amplio i oportunidat igual. Mi ta primintí di keda pusha pa logra esaki i mi a haña bunita di tende ku tur partido enbolbí ke kontribuí na esaki.”