Kompensashon pa yu i finansiamentu di estudio pareu ta posibel entrante promé di yüli 2024
Entrante promé di yüli 2024 mayornan ku tin yu bou di 18 aña na Hulanda Karibense ta mantené e derechi riba kompensashon pa yu si nan yu tambe ta risibí finansiamentu pa estudio. Ku esaki e areglo di kompensashon pa yu ta bira igual na e areglo di Hulanda Oropeo.
Si un yu tin ménos ku 18 aña i ta risibí finansiamentu di estudio, e mayor òf kuidadó tin derecho riba finansiamentu pa yu ketu bai for di promé di yüli 2024. Pues mayor i kuidadó no tin mester di kanselá e kompensashon pa yu ora e yu ta bai studia i ta risibí finansiamentu di estudio. Den e luna despues ku e yu a kumpli 18 aña, e derecho riba kompensashon pa yu ta stòp i ta para e pago di kompensashon pa yu outomátikamente.
Studia den eksterior
Si un yu ta bai studia den eksterior òf riba un otro isla i no a kumpli 18 aña ainda, mayor òf kuidadó mester manda un prueba di registrashon di e instansia di enseñansa pa e unidat di SZW anualmente, te na momentu ku e yu hasi 18 aña. Ta importante pa hasi esaki mas pronto posibel despues ku e yu a kanselá su inskripshon for di Registro Sivil. Esaki ta pa yuda evitá ku ta para e kompensashon pa yu ora e yu bai for di isla pa bai biba un otro kaminda.
Por meil un prueba di registrashon di e instansia unda e yu ta bai studia pa kinderbijslag@rijksdienstcn.com.