Kòntròl multidisiplinario kontra ‘ondermijning’ dor di relashon di kolaborashon RIEC CN
Riba djaweps 12 di mart den oranan di mainta un kòntròl multidisiplinario a tuma lugá na 2 diferente lokalidat na Kaya Industria Boneiru na un kompania den komèrsio por detal. Esakinan tabata relashoná ku posibel violashon basá riba lei i regulashon. Pa medio di e kontròl multidisiplinario a wak si e esnan presente na e lokalidatnan tabata den poseshon di dokumentonan obligatorio i a kontrolá riba otro lei- i regulashon di e diferente partnernan den kadena.
Durante e kontròl a konstatá vários indikashon. Posibel violashon di otro lei- i regulashon e diferente partnernan lo investigá mas aleu.
E siguiente partnernan a partisipá na e kontròlnan aki: Inspekshon di Labor CN, Kuerpo Polisial Hulanda Karibense, Koninklijke Marechaussee, Imigrashon i Naturalisashon CN, Direktorado di Supervishon i Mantenshon E.P.B. den kolaborashon ku RIEC CN (Regionale Informatie- en Expertisecentrum CN).
RIEC CN ta hunga un ròl krusial den enfoke di ‘ondermijning’* den Hulanda Karibense. Pa medio di e kolaborashon i kompartí informashon entre e diferente instansianan ta amplia e efektividat di kòntròl i intervenshon, ku meta pa garantisá i oumentá seguridat i integridat di Hulanda Karibense. Banda di esei por traha huntu riba konsientisashon i prevenshon.
*Kriminalnan ta hasi uzo di negoshi i servisionan legal pa aktividatnan ilegal. Dor di esaki norma i balor i e sentido di seguridat i abitabilidat ta disminuí. E efekto aki yama tambe ondermijning