Ònderstant

Bo tin insufisiente sèn pa sobreviví, pasobra por ehempel, bo no por traha, òf pasobra bo pago di AOV a wòrdu redusí? Ònderstant ta un kontribushon di e Gobièrnu Sentral pa sostené e habitantenan di Hulanda Karibense ku (temporalmente) no por sobreviví. Bo mester tin por lo ménos 18 aña di edat òf mas i mucha di e isla (eilandskind) òf mester ta habitante di Hulanda Karibense pa por lo ménos 5 aña legalmente i sin interupshon, pa bo risibí ònderstant.

Hasi petishon pa ònderstant

Si bo ke bini na remarke pa ònderstant bo por pasa riba e ora di konsulta ònderstant. Un kolaboradó di e ònderstant lo hasi pregunta tokante bo situashon i lo evaluá si bo ta kumpli ku e kondishonnan. Despues di e promesa, ta dura máksimo 5 siman promé ku bo risibí bo promé ònderstant.

Suma di e ònderstant

E sumanan di ònderstant ta diferensia pa kada isla i ta wòrdu fihá kada aña di nobo. Esaki ta dependé di e inflashon. Ònderstant ta konsistí di un suma básiko. Banda di esei tambe tin supsidionan individual manera supsidio pa hende ku ta biba independiente, pa hende ku yu ku ta biba na kas ainda i pa hende inkapasitá pa traha. Wak pa esaki e tabèl di sumanan. Por ehèmpel un hende ku ta biba independiente i ku 1 yu, riba e tarifa básiko, tin derecho riba kompensashon pa promé yu, i riba kompensashon pa biba independiente. Si un hende ta biba independiente i na mes momento no por traha pa un temporada largu, e kompensashon aki ta konta pa e persona aki tambe. Ònderstant nunka no ta mas haltu ku suèldu mínimo. Bo por pasa riba e ora di konsulta pa laga evaluá bo situashon personal. E ònderstant ta wòrdu pagá un biaha kada dos siman, na bo.

Mas informashon?

Bo por pasa tambe na e ora di konsulta, yama na telefòn 715-8888, òf e-mail na onderstand@rijksdienstcn.com  pa mas informashon. Pa e legislashon i regulashon ofisial tokante e ònderstant wak e Lei di ònderstant BES i e publikashon reglanan di maneho ònderstant.