Kambionan den bo situashon personal
Kambionan den bo situashon personal por tin influensia riba bo AOV. Den e siguiente kasonan bo mester hasi notifikashon di e kambio. Manda un kopia di bo pasport i un prueba di e kambio.
Mudansa
Bo mester duna bo adrès nobo dentro di 14 dia, na e Unidat SZW. Bo por pasa serka e Unidat SZW pa esaki, òf manda e formulario di kambio via pòst òf e-mail.
Kuenta di banko nobo
Bo mester duna bo datonan di banko nobo, mas lihé ku ta posibel, na e Unidat SZW. Bo por pasa serka e Unidat SZW pa esaki, òf manda e formulario di kambio via pòst òf e-mail.
Kasa òf divorsiá
Si bo ta bai kasa òf divorsiá, notifiká e Unidat SZW di esaki dentro di 14 dia. Bo por pasa serka e Unidat SZW pa esaki òf manda e formulario di kambio via pòst òf e-mail.
Fayesementu di e kasá
En kaso ku bo kasá fayesé, bo ta notifiká e Unidat SZW mas lihé ku ta posibel. Si bo kasá tabata risibí AOV, bo por, komo famia di e defuntu, hasi un petishon pa un pago den un solo biaha, te ku 6 luna despues di e fayesimentu. Pasa pa esaki na e ora di konsulta AOV.
Otro kambionan
Nos ta apresiá si bo manda nos kambionan den bo number di telefòn òf e-mail adrès, pa asina nos por alkansá bo fásilmente i direktamente.