Penshun di behes general (AOV)
E AOV ta un penshun básiko pa hendenan desde 65 aña. Bo ta biba òf traha den Hulanda Karibense òf bo a biba òf traha aki? E ora ei kasi sigur bo ta sigurá pa e AOV. E Unidat di RCN di SZW ta paga e AOV. Bo mester hasi un petishon pa risibí AOV.
Lesa mas aleu aki bou. Òf bai direktamente na:
Hasi petishon pa AOV
Seis luna promé ku bo kumpli 65 aña, bo ta hasi un petishon pa AOV. Bo por pasa serka e Unidat SZW pa esaki durante ora di konsulta. Klek aki pa wak kiko bo mester trese ku bo.
Ta posibel tambe pa hasi un petishon pa AOV digitalmente. Download e formulario di petishon AOV aki. Manda e formularionan kompletá huntu ku un scan di e dokumentonan ariba menshoná pa pensioen@rijksdienstcn.com.
Si bo a hasi bo petishon muchu lat, bo por haña te máksimo 1 aña AOV retroaktivo.
Montantenan di AOV
Klek aki pa e montantenan aktual di AOV.
Si bo a biba òf traha pafó di Hulanda Karibense, e ora ei posiblemente bo no tabata sigurá i bo penshun AOV por resultá mas abou. Den e kaso ei posiblemente bo por bini na remarke pa risibí un oumento adishonal di ònderstant.
Fecha di pagamentu di AOV
E tabèl aki abou ta mustra e fechanan di pago di 2023. Bo no tin un kuenta di banko lokal? E ora ei por dura mas largu promé ku bo risibí bo penshun.
Si bo a hasi bo petishon na tempu, bo ta risibí bo promé pago di AOV riba e promé fecha di pago ku ta sigui despues di bo kumpleaño. Por ehèmpel si bo a alkansá e edat di AOV riba 5 di febrüari, e ora ei bo ta risibí bo promé AOV riba 24 di febrüari.
| Yanüari | 24 |
| Febrüari | 24 |
| Mart | 24 |
| Aprel | 24 |
| Mei | 24 |
| Yüni | 23 |
| Yüli | 24 |
| Ougùstùs | 24 |
| Sèptèmber | 22 |
| Òktober | 24 |
| Novèmber | 24 |
| Desèmber | 22 |
Suma di Pasku
Bo ta risibí un suma di Pasku si bo tabatin derecho riba AOV den e luna di sèptèmber di e aña ei. E bónus di Pasku ta igual na e suma ku bo a risibí den e luna di sèptèmber. E pago di e suma di Pasku ta tuma lugá huntu ku e pago di e AOV di desèmber.
Penshun for di eksterior
Bo tin 65+ aña i a biba i traha anteriormente na Kòrsou, Aruba, Sint Maarten òf Hulanda?
E ora ei posiblemente bo tin derechi tambe riba AOV òf AOW for di e pais ei. Mester apliká separá pa esaki.
Pa mas informashon, mira e informashon riba e wèpsait ofisial di e pais konserní.
Aruba www.svbaruba.org/pensioen/
Kòrsou www.svbcur.org/en/wetten/aov/
Sint Maarten www.szv.sx/faq/old-age-pension/
Hulanda www.svb.nl/nl/aow/
E formularionan nesesario ta disponibel na unidat SZW di RCN.
Pa mas informashon, por klek aki pa e lei i reglamentunan ofisial tokante penshun di behes ( Algemene Ouderdomsverzekering, AOV).