Mi no ta biba mas na Hulanda Karibense
Si bo no ta biba mas na Hulanda Karibense, bo tin derechi riba AOV pa e añanan ku bo a biba òf traha na Hulanda Karibense. E nesesidat pa entregá un Attestatie de Vita (AdV) (prueba ku bo ta na bida) ta dependé di unda bo ta biba aktualmente.
Mi ta biba na Aruba òf Sint Maarten
Entrante promé di novèmber 2021 bo no mester entregá un Attestatie de Vita (AdV) pa risibí bo AOV for di Hulanda Karibense. Lo hasi petishon pa datonan na e registro sivil lokal. Por lo tantu, ta importante ku bo datonan ta kompleto i korekto na registro sivil.
Mi ta biba na Hulanda Oropeo òf na un otro lugá den eksterior
Bo mester entregá bo AdV dos biaha pa aña serka e unidat di RCN na SZW.
Bo tin ku hasi esaki den e siguiente periodonan:
- Entre promé di mei i 15 di yüni
- Entre promé di novèmber i 15 di dezèmber
Hasi petishon
Bo por hasi un petishon pa bo Attestatie de Vita na un di e instansia outorisá manera:
- Bo munisipio;
- Un notario;
- Un embahada Hulandes;
- Un konsulado Hulandes;
- Banko di Seguro Sosial (SVB).
Ku e karta aki bo por hasi un petishon pa bo Attestatie de Vita, gratuitamente, serka un instansia outorisá. Ta e intenshon ku nan lo yena i firma e formato athunto aki. Si esaki no ta posibel, bo propio formulario mester tin e mes un informashon ku nos formato.
Si reakshoná muchu lat
Si no a entrega e AdV (e prueba di bida) na tempu, lo suspendé bo pago. Ora ku risibí e dokumentonan rekerí, por hasi e pago ku un máksimo di dos aña den forma retroaktivo.