Belastingdienst Caribisch Nederland ta tene konsiderashon dor di e vírùs Corona
En konekshon ku e vírùs di Corona, Belastingdienst Caribisch Nederland lo tene konsiderashon ora ta trata di ‘aanslag’, ‘bezwaarregeling’ i kobransa di personanan ku tin obligashon di paga impuesto na Boneiru, Sint Eustatius i Saba, i ku pa motibu di konsekuensia di medidanan pa kombatí e vírùs , no por kumpli ku nan deber.
E konsiderashon aki ta trata tantu kompanianan komo personanan individual di e tres islanan. Belastingdienst, denter di su kuadro di lei- i regulashonnan, huntu ku e personanan ku tin obligashon di paga impuesto konserní , lo palabrá individualmente kiko e posibilidatnan di konsiderashon ta.
Personanan ku tin obligashon di paga impuesto ku ta kere ku nan lo por bini na remarke pa areglo individual, por tuma kontakto ku Belastingdienst Boneiru via number di telefòn +599 715 8585, na Sint Eustatius via number di telefòn +599 318 3325 òf +599 318 3326 i na Saba via number di telefòn +599 416 3941 òf +599 4163942.