Inventario di residente Boneriano ku ta den eksterior
Debí na pandemia di COVID-19 tin awor hopi hende ku no por bai bèk fásilmente e pais kaminda nan ta biba. Esei ta konta tambe pa residente boneriano ku awor no tin e posibilidat pa bai nan isla bèk. E Tim di Maneho Insular (Eilandelijk Beleids Team, EBT) ke inventarisá e kantidat di residente ku ta pegá den eksterior.
Mirando kon lihé e vírùs di corona ta plamando, gobièrnu di Boneiru (i ministerio di I & W) ta obligá pa tuma medida preventivo lihé kontra e vírùs. Awor ku a tuma e promé medidanan pa garantisá seguridat riba e isla, ta importante pa wak kon por duna ayudo na residente ku no ta na Boneiru awor. Por hasi esaki solamente si tin un bista kla kon grandi e kantidat di hende ta i nan unda nan ta aworaki.
Pa haña un bista kla di unda residente boneriano ta keda den eksterior i si nan mester di ayudo, Gezaghebber ta hasi un yamada na e hendenan akí pa registrá pa mas tardá 23 di mart 2020 mandando un mail na registra@bonairegov.com òf yama +599 715 9199 (por yama di djaluna te ku djabièrnè di 07:00 – 21:00 or. Por yama djasabra i djadumingu di 10:00 – 18:00 or ora lokal.
E persona konserní mester duna e siguiente informashon
- Nòmber kompleto
- Fecha di nasementu
- Number di telefòn
- Adrès unda e persona ta keda
Si bo konosé un hende ku ta biba na Boneiru ku no ta na e isla awor òf no por bini na e isla, ta supliká bo pa informá e e hende ei pa e registrá. Ta disidí entre otro a base di e inventario kon ta bai yuda.