Repatriashon aseguradonan di ZVK for di Colombia
Riba djabièrnè 20 di mart diferente buelo di charter di Sarpa i EZ AIR lo yega for di Colombia ku residentenan di Hulanda Karibense ku tabata ku traslado médiko.
Den kolaborashon ku Ministerio di Salubridat, Bienestar i Deporte (VWS), Ofisina di Seguro di Kuido BES (ZVK) a charter diferente buelo ku lo sali awe for di Colombia ku un kantidat grandi di asegurado i nan kompañadónan, hibando nan bèk Boneiru, Sint Eustatius i Saba. Entidat Públiko di Boneiru (OLB) a duna pèrmit spesial pa esaki, mirando e echo ku espasio aéreo di Boneiru ta será pa pasahero.
Otro aseguradonan di Hulanda Karibense lo keda Colombia pa kontinuá ku nan tratamentu médiko aya. Tokante nan regreso, ZVK lo informá despues. Despues di nan yegada na aeropuerto, lo skrin e pasaheronan segun e protokòl stipulá dor di Salubridat Públiko (PG). Pasaheronan di Sint Eustatius i Saba ta sigui bula pa nan isla residensial.
ZVK ta sumamente kontentu di por repatriá e aseguradonan aki i tambe nan kompañadónan.