Residente di Boneiru ta haña ayudo
Relashoná ku inventarisashon di direktorado di Komunidat i Kuido di Entidat Públiko Boneiru te ku 23 di mart tin 225 residente di Boneiru ku a mèldu ku nan ta pegá na Hulanda òf na otro pais. Ta hasi palabrashon ku nan tokante ayudo finansiero te na momento di repatriashon. Repatriashon ta tuma lugá den etapa, moda ku tur residente ku awor ainda ta pegá na otro lugá por bai den karentena obligatorio i nan por tin akogida ku vigilansia.
Despues ku a sera espasio aéreo pa buelo di pasahero pa evitá ku e vírùs di corona lo a surgi na Boneiru tambe, residentenan di Boneiru ku tabata na Hulanda òf otro kaminda den eksterior, tambe no por a bolbe bèk. Direktorado di Komunidat i Kuido a haña enkargo di Tim di Maneho Insular (Eilandelijk Beleids Team, EBT) pa inventarisá e kantidat di persona. Te ku 23 di mart 225 boneriano a mèldu nan mes. Via registro di Asuntu Sivil a kontrolá si nan ta inskribí di bèrdè. A hasi e kontrol akí tambe pa pashènt di ZVK ku a bai den eksterior pa motibu médiko. For di 26 di mart a kuminsá yama tur hendenan akí pa inventarisá ki ayudo mester. Hopi residente a indiká ku nan no tin nodi di ayudo finansiero pero ku nan lo a preferá pa bai bèk kas mas lihé ku ta posibel.
Ta preparando repatriashon responsabel
Awe Tim di Maneho Insular (EBT) a haña konseho di RIVM relashoná ku e pregunta ku si ta responsabel pa kuminsá ku repatriashon, tambe en bista di e echo ku ainda no tin kaso di infekshon ku e vírùs na Boneiru. Dia 26 di mart segun konseho di Tim di Maneho Insular, Gezaghebber a duna enkargo pa kuminsá ku preparashon di repatriashon responsabel di residentenan di Boneiru. Manera RIVM a konsehá, repatriashon ta tuma lugá den fase, komo ku tur residente ku ta den eksterior ainda, mester haña akohida responsabel. A base di Lei di Salubridat Públiko lo obligá nan pa bai den karentena obligatorio durante 14 dia.
E Tim Operashonal di e Tim di Maneho Insular ta elaborá awor riba e kondishonnan i organisashon. Den e Tim Operashonal akí tin tantu representashon di Salubridat Públiko komo di Órden Públiko i Servisio di Seguridat. Di e forma akí E Tim di Maneho Insular (EBT) EBT ta komplasé ku deseo di e residentenan pa bini bèk, miéntras ku na mes momento ta garantisá seguridat di habitante di Boneiru.