Mi no tin un dunadó di trabou mas

Kiko ta kambia pa mi komo èks empleado durante di e prolongashon di e areglo di emergensia di 13 di yüli te ku 12 di òktober 2021?
Nada no ta kambia. Ta keda importante pa bo informá nos di kambionan den bo situashon. Por ehèmpel ora ku bo tin mas entrada (atrobe) òf ora bo bandoná Hulanda Karibense pa un periodo di por lo ménos 4 siman. Pa esaki, hasi uso di e formulario di kambio.

Ki ora mi ta bini na remarke pa e sosten komo èks empleado?
Si bo tabata empleado riba 13 di mart 2020 pero pa motibu di e vírùs corona no ta tené bo den servisio mas, bo por entregá un petishon pa sosten temporario. Pa bini na remarke, e kompania ku bo ta traha p’e mester kai bou di e areglo di emergensia di SZW.

Por ehèmpel bo por entregá un petishon si bo tabata traha a base di un kòntrakt temporario i si no a prolongá bo kòntrakt pa motibu di e vírùs corona. Bo por hasi uso di e sosten pa un periodo di maksimalmente tres luna te ku mas tardá 12 di òktober 2021.

Mi tin derecho riba e areglo di emergensia di SZW si mi mes kita for di trabou?
No. Si bo kita for di trabou boluntariamente, bo no tin derechi riba e apoyo finansiero aki.

Mi por entregá un aplikashon nobo?
Durante e periodo di prolongashon ta permití pa entregá un aplikashon nobo. Pero, mirando ku e situashon na Hulanda Karibense ta bayendo den bon direkshon, esaki no ta opvio. Pa entregá un aplikashon nobo, tuma kontakto ku unidat SZW di RCN. Esaki por via meil di NoodregelingSZW@RijksdienstCN.com òf dor di yama telefòn (Boneiru: 781 5555 òf 781 5556, Saba: 416 5652, Sint Eustatius: 790 0052).

Kon haltu e sosten ta?
Bo por kleim ochenta porshento di bo último salario ku bo a haña . Pa esaki un salario máksimo pa dia ta na vigor.

Ki dia ta paga e kompensashon?
Den kaso di aprobashon SZW lo paga e kompensashon mensualmente na bo. E término legal pa e promé pago ta maksimalmente sinku siman. Unidat SZW di RCN ta aspirá pa paga bo mas lihé.

Kiko mi mester hasi si mi situashon kambia?
Si bo situashon kambia, bo mester informá unidat SZW di RCN mesora di esaki via di un formulario di kambio.

Por ehèmpel ora ku bo tin mas entrada (atrobe) òf ora bo bandoná Hulanda Karibense pa un periodo di por lo ménos 4 siman.

Mi por eksihí salario bèk di mi dunadó di trabou si e stòp di paga?
Pa e temporada ku bo ta hasi uso di e areglo di emergensia aki bo mester renunsiá reklamo riba bo dunadó di trabou. Unidat SZW di RCN ta paga e sosten na bo direktamente. Si resultá ku bo dunadó di trabou a keda sin paga bo inhustamente, SZW lo eksihí bo salario bèk serka bo dunadó di trabou. Ofisialmente esaki ta nifiká ku bo ta ‘asigná’ bo reklamo pa SZW ora bo entregá bo aplikashon.

Mi ta yegando na final di e tres lunanan durante kua mi tabata risibí pago via e areglo di emergensia. Kiko awor?
Haña un otro trabou ta punto di salida ora bo pèrdè bo trabou. Si esaki no ta posibel i e tres lunanan ku bo ta hasi uso di e areglo ta yegando un fin, posiblemente bo por bini na remarke pa ònderstant. Via e lenk aki, bo por mira mas informashon tokante ònderstant. 

Tin posibilidat pa sigui kurso pa amplia mi chèns riba un trabou nobo? 
Abitantenan di Boneiru por tuma kontakto ku Plenchi di Trabou pa mas informashon tokante opshonnan di desaroyo. Si bo hasi uso di e areglo di emergensia i ta aserká bo pa mediashon riba merkado laboral, bo ta obligá pa kooperá ku esaki.