Mi ta empresario independiente

Kiko ta kambia pa mi komo empresario independiente durante di e prolongashon di e areglo di emergensia di 13 di yüli te ku 12 di òktober 2021?
Nada no ta kambia. Ta keda importante pa bo informá nos di kambionan den bo situashon. Por ehèmpel ora ku bo tin mas entrada (atrobe) òf ora bo bandoná Hulanda Karibense pa un periodo di por lo ménos 4 siman. Pa esaki, hasi uso di e formulario di kambio.

Kon largu mi por keda hasi uso di e areglo di emergensia?
Bo por hasi uso di e areglo di emergensia te ku 12 di òktober 2021. Bo mester hasi esfuerso pa baha man na uso di e areglo.

Mi mester hasi algu pa keda hasi uso di e prolongashon?
No, bo no mester hasi nada pa keda hasi uso di e prolongashon.

Mi por entregá un aplikashon nobo?
Durante e periodo di prolongashon ta permití pa entregá un aplikashon nobo. Pero, mirando ku e situashon na Hulanda Karibense ta bayendo den bon direkshon, esaki no ta opvio. Pa entregá un aplikashon nobo, tuma kontakto ku unidat SZW di RCN. Esaki por via meil di NoodregelingSZW@RijksdienstCN.com òf dor di yama telefòn (Boneiru: 781 5555 òf 781 5556, Saba: 416 5652, Sint Eustatius: 790 0052).

Kon haltu e sosten ta?
Na un otorgamentu lo kompensá bo entrada total te $761 pa luna na Boneiru, $919 pa luna na Sint Eustatius i $907 pa luna na Saba. Esaki ta ochenta porshento di e suèldu mínimo legal. Den e kaso aki no ta importante kiko bo entrada tabata promé ku tabata trata di e vírùs corona.

Ki dia ta paga e kompensashon?
Den kaso di un asignashon SZW lo paga e kompensashon na bo mensualmente. E término legal pa e promé pago ta máksimalmente sinku siman. Unidat SZW di RCN ta aspirá pa pagá bo mas lihé.