Kontakto Kuerpo Polisial Hulanda Karibense (KPCN)
Ora kada sekònde ta konta: number di emergensia 911 (grátis)
Boneiru 715 8000
Saba 416 3237 (entre 08.00 -16.00)
Sint Eustatius 318 2333 (entre 08.00 - 16.00)
E kuerpo polisial pa lo demas ta kompletamente funshonal i operashonal i ta keda empeñá pa seguridat di nos komunidat. Ku e nesesidat pa siguridat èkstra a skohe pa vigilansha èkstra i supervishon mas skèrpi pa e tres islanan.
E kuerpo polisial ta pidí bo pa tene bo na e medidanan ku a tuma for di e Entidatnan Públiko na Boneiru, Saba i Sint Eustatius, pa seguridat pa un i tur.
En konekshon ku e medidanan mas estrikto rondó di e pandemia Covid-19, KPCN tambe ta tuma medida pa asina minimalisá e chèns di kontagio ku e vírùs.
Polis lo sigui ehersé su tareanan. Pa protekshon di tantu e personal komo e bishitante, a ahustá e reglanan ora ta bishita warda di polis.
Entrante 21 di sèptèmber 2020 mester hasi petishon pa un afsprak via 715-8000 pa por bini na warda di polis. Solamente den kaso di un emergensia por yuda sin afsprak. Den kaso di un emergensia ta enkurashá un i tur pa yama 911.
Na momentu ku haña un sita pa bini warda di polis, bo ta mèldu bo mes via di e ‘intercom’. Lo permití entrada pa warda di polis kaminda inmediatamente ta manda bo dor pa e espasio pa hasi ‘aangifte’. Ta desinfektá e espasionan aki despues di kada bishita. Na momentu ku drenta warda di polis, ta obligá pa bisti un tapaboka.
Nos ta supliká pa mas tantu posibel hasi ‘aangifte’ i ‘melding’ telefónikamente via 715-8000 òf via meil na politie@politiecn.com.
E Ofisina di Yudansa na Víktima ta solamente alkansabel via number di telefòn 717 6181 òf 781-0176.