Kontakto Asuntunan Sosial i Empleo (SZW)

E ofisina di e unitdat di SZW na Boneiru, Saba i Statia ta habrí. Relashoná ku social distancing nos ta pidi tur hende pa hasi un petishon digital. Si bo tin un di e síntomanan di grip, manera entre otro nanishi ku ta kore, doló di garganta, tosamentu o keintura, no pasa na un di nos ofisina. Nos number di telefòn sentral ta +599 715-8888. Pa otro dato di kontako por fabor bishitá e página aki.

Dòkter di seguro

Komo medida preventivo, dòkter di seguro temporalmente ta traha solamente a base di konsulta via di telefòn. Bo ta malu i no por traha? Riba e di tres dia di malesa bo mester mèldu bo mes malu telefónikamente serka e dòkter di seguro. Mester hasi esaki entre 8or i 10or di mainta via di number di telefòn 715 8877 òf via WhatsApp +599 781 0391. Menshoná bo nòmber, fecha di nasementu i e number di telefòn riba kua bo ta disponibel.

Lo bo risibí un yamada bèk pa un konsulta médiko via di telefòn i bo ta tende e ora ei tambe si bo mester pasa durante orario di konsulta ku sita.

Ora di konsulta Rincon

E orario di konsulta di SZW na Rincon ta kanselá te próksimo aviso. Ta difisil pa mantené distansia sosial na e lokalidat aki.

Areglo di emergensia SZW

E konsekuensianan di e medidanan relatá na e vírùs corona pa hopi kompania ta impaktante. Ku e areglo di emergensia temporal,  dunadónan di trabou na Boneiru, Saba i Sint Eustatius por haña un kompensashon di e gastunan di salario. Empresario independiente òf hende ku tabata empleado, pero ku pa motibu di e vírùs corona no tin dunadó di trabou mas, tambe por kleim e areglo di emergensia aki.

Pa mas informashon o hasi aplikashon por fabor bishitá e página aki.

Kompensashon EZK

Empresarionan na Hulanda Karibense por bini na remarke pa un di dos kompensashon pa gastu fiho for di Ministerio di Asuntunan Ekonómiko i Klima (Economische Zaken en Klimaat, EZK) si nan ta afektá pa e krísis di corona.

Pa mas informashon o hasi aplikashon por fabor bishitá e página aki.