Q&A Intervenshon Sint Eustatius
Q&A Intervenshon Sint Eustatius
Pregunta:
Dikon e intervenshon aki tabata nesesario?
Kontesta:
E gobernashon na Sint Eustatius ta kulpabel di “negligensia grandi di tareanan”. Esaki e Komishon di Sabionan a konkluí den un rapòrt ku resientemente a sali. Ta papia di anarkia, mala atministrashon finansiero, diskriminashon, intimidashon, menasa i buskamentu di poder personal.
E situashon di gobernashon tin konsekuensia grandi pa e bida diario di e abitantenan di Sint Eustatius. Siudadanonan i komersiantenan ta eksperensiando desigualdat legal. Niun atministrashon no ta na òrdu i e isla ta físikamente neglishá.
E situashon aki na interes di e habitantenan i kompanianan na Sint Eustatius no por sigui mas.
Pregunta:
Kiko e intervenshon aki ta nifiká pa habitantenan di Sint Eustatius?
Kontesta:
E situashon di gobernashon tin konsekuensianan grandi pa e dia diario di e bida di habitantenan di Sint Eustatius. Habitantenan i negoshinan ta eksperensia desigualdat legal. Niun atministrashon no ta òrdu i e isla ta físikamente neglishá.
Ku e intervenshon aki e bienestar di e hendenan di Sint Eustatius ta na promé lugá. Gobernashon, finansa i e aparato gubernamental di Sint Eustatius ta e promé kosnan ku mester pone na un nivel aseptabel.
Banda di esei e intervenshon ta bai pareu ku invershonnan visibel. Lo sigui atendé ku invershonnan ku ya tabata pendiente manera bibienda, e aeropuerto, kayanan, kabelnan bou di tera. Sigiuendo e konseho di e komishon lo aselerá invershonnan kaminda ta posibel.
E medidanan aki, den kombinashon ku e aktividatnan di rekonstrukshon, un impulso na ekonomia i e kalidat di bida di e habitantenan di Sint Eustatius ku a konsekuensia di orkannan a bira aun mas vulnerabel.
Pregunta:
Na ki momento e intervenshon ta kaba?
Kontesta:
Na promé lugá ta ku e sirkunstansianan na Sint Eustatius mester mehorá di forma duradero. Un intervenshon asina pisá no tin mag di dura mas ku ta nesesario, pero por pensa ku un periodo di dos aña òf mas ta nesesario. Bai bek na relashon di gobernashon nòrmal mester ta permanente i no mester tin riesgo di un otro intervenshon.
Pregunta:
Dikon e lei ku ta hasi intervenshon posibel a keda tratá den forma di emergensia den Tweede i Eerste Kamer?
Kontesta:
E gravedat di e situashon na Sint Eustatius i falta di boluntat i e impotensia di e gobernashon aktual ta hasi intervenshon rápido nesesario. Mas lihé hasi e intervenshon aki, mas lihé e komunidat di Statia por benefisiá di e kambionan. Tambe e komishon di sabionan a konsehá pa atendé ku e lei di forma rápido pa asina evitá mas deterioro di e isla.
Pregunta:
Dikon e instrumentonan eksistente no ta brinda solushon?
Kontesta:
E situashon gubernamental na Sint Eustatius ya pa algun tempu ta un punto di preokupashon. Medidanan anterior pa mehorashon di e situashon no a duna e efekto deseá. Intervenshon gubernamental ta e úniko posibilidat ku ta keda.
Entre 2011 i 2018 gobièrnu di Reino a tuma vários medida pa mehorashon di e situashon gubernamental i e situashon finansiero na Sint Eustatius, por ehèmpel supervishon finansiero riba presupuesto. E medidanan aki no tabatin òf tabatin tiki resultado pasobra e gobernashon no ta tene nan mes na lei i palabrashonnan hasí.
Pregunta:
Kon ta bai informá e habitantenan di Sint Eustatius tokante e intervenshon?
Kontesta:
Riba djárason 7 di febrüari Sekretario di Estado Knops durante di un Town Hall meeting lo dirigí palabra na e komunidat. Promé ku esaki e lo papia ku miembronan di kolegio ehekutivo i konseho insular pa asina informá nan. Tambe e lo introdusí e komisario di gobièrnu sentral.
Radio i televishon pero tambe Facebook i townhall meetings ta kanalnan di komunikashon importante na Sint Eustatius. Lo usa tur medio di komunikashon pa asina informá e komunidat riba e motibu, e meta i e konsekuensianan di e intervenshon i e medidanan adishonal pa mehorashon di e situashon di forma duradero na Sint Eustatius.
Regularmente e komisario di gobièrnu sentral lo papia ku habitantenan i kompanianan na Sint Eustatius.
Pregunta:
Ken ta bira e komisario di gobièrnu sentral?
Kontesta:
Riba djárason 7 di febrüari a huramentá Señor Marcolino (Mike) Franco komo komisario di gobièrnu sentral. A huramentá Mervyn Stegers komo komisario di gobièrnu sentral suplente. Franco promé tabata un fisioterapista na Kòrsou i tin mas ku 20 aña di eksperensia ku funshonnan polítiko i atministrativo riba e isla ei. Stegers tabata dosente i abogado, despues wèthouder i bùrgemester suplente di munisipio Den Helder. Di 2001 te ku 2017 e tabata
Bùrgemester di Tubbergen.
Pregunta:
Kiko eksaktamente e Komisario di Gobièrnu Sentral ta bai hasi eksaktamente?
Kontesta:
E Komisario di Gobièrnu Sentral lo pone entre otro e atministrashon finansiero, di komunidat i di personal na òrdu i lo mehora e sistema di outomatisashon i e funshon di archivo. Tambe e lo implementá un prosedura ordená pa tomo di desishon.
Pa mehorashon di e aparato gubernamental e lo sòru pa e empleado públiko korekto ta na e posishon korekto i pa desaroyá un programa struktural di entrenamentu i edukashon. Koperashon riba por ehèmpel tereno di bibienda i fasilidatnan di haf lo keda revisá i lo bini un plan nobo di mehorashon pa vários aña.
E Komisario di Gobièrnu Sentral tambe ta responsabel pa otro tareanan di gobernashon di e isla, manera stimulashon ekonómiko i komersio. Konsiderando e preisnan haltu na isla pa produktonan i transporte e lo laga hasi un investigashon na e posibilidat den maneho di preis den koperashon ku por ehèmpel e ministerio di Asuntunan ekonómiko i Klima.
E komisario di gobièrnu sentral lo kombersá kontinuamente ku habitantenan i empresanan di Sint Eustatius. Asina e lo instalá un komishon di konseho ku lo konsehé riba su petishon i tambe sin su petishon.
Pregunta:
Dikon a disolvé e Konseho Insular?
Kontesta:
E komishon di sabionan a konstatá ku e mal funshonamentu gubernamental no ta keda na kolegio ehekutivo, pero ku konseho insular ta dirigí i legitimá e manera di proseder di kolegio ehekutivo.
Konseho insular no ta kontrolá, pero ta envolvi den kolegio ehekutivo, kaminda den práktika ta un persona ta disidí. Pe e motibo ei ta nesesario pa disolvé konseho insular. Lo despensá e miembronan eksistente pa lei.
Pregunta:
Ta posibel pa tin un periodo sin konseho insular konforme konstitushon?
Kontesta:
Tin un durashon di 4 aña ku konseho insular por sinta konforme konstitushon, ku reserva ku pa lei por hasi eksepshon. Pa e eksepshonnan aki por pensa riba kasonan di negligensia grandi di tareanan
Pues un periodo sin konseho insular ta posibel konforme konstitushon. Naturalmente e periodo sin konseho insular mester ta mas kortiku posibel. Manera sirkunstanshanan hasi posibel lo organisa elekshonnan.
Pregunta:
Dikon ta bin un konseho di asesoramentu sosial?
Kontesta:
Ta importante ku e komisario di gobièrnu bai den kombersashon ku habitantenan di Sint Eustatius, por ehempel pa haña un base di sosten pa maneho. Pa e motibu ei e komisario di gobièrnu sentral lo instala un konseho di asesoramentu sosial, ku lo konsehé riba su petishon i tambe sin su petishon.
Pregunta:
Kon e intervenshon ta relatá ku e derecho di outodeterminashon?
Kontesta:
Kabinete naturalmente ta rekonosé e derecho di komunidat di Sint Eustatius pa aspirá pa outodeterminashon riba base polítiko, kultural, sosial i ekonómiko. E derecho di outodeterminashon no ta nifiká ku Sint Eustatius – realmente ta un grupo chikitu na Sint Eustatius – di un banda so ta disidí e kondishonnan.
Meskos ku e “Komishon di Sabionan” e kabinete ta haña importante ku tantu bou di komunidat di Sint Eustatius komo entre Sint Eustatius i Hulanda Europeo un kombersashon mas tokante kontenido di outonomia tuma lugá. Por hiba un bon kombersashon na momento ku tur e partnernan di kombersashon, inkluso komunidat di Sint Eustatius, tin e sintimentu ku nan por papa liber. Tantu e komisario di gobièrnu komo gabinete lo fomentá e realisashon di e kombersashon aki.
Pregunta:
Den e raport di e “Komishon di Sabionan” tambe tin krítika riba e ròl di Hulanda Oropeo. Kiko Gobièrno ta bai hasi ku esaki?
Kontesta:
E gabinete ta tuma e kritiká na pechu i ta kompartí e konklushon ku Hulanda despues di 10 òktober 2010 mester a yuda e isla mas lihé. E gabinete lo bai traha aktivamente ku hopi di e proposishonnan di e komishon, manera kombatimentu di pobresa i hiba mas kombersashon tokante e kontenido di outonomia.
Lo diskutí e diferente aktividatnan na Statia i e finansiamentu di esakinan konhuntamente den un reunion nobo di mandatario Hulanda Karibense.