CBS: Kresementu di moveshon aéreo den e di dos kuartal
Den e di dos kuartal avionnan a bula 5.190 bes bai bin pa Hulanda Karibense. Kompará ku e di dos kuartal di 2016 esaki ta un subida di 5,7 porshento. Tantu na Boneiru komo na Sint Eustatius e kantidat di buelonan a subi. Na Bonaire e subida tabata 7,6 porshento i na Sint Eustatius 11,7 porshento. Na Saba e kantidat di moveshon di avion a baha ku 11,7 porshento.
E aeropuerto di Boneiru, ku 2.980 moveshon di avion, ta e aeropuerto ku moveshon di Hulanda Karibense. Sint Eustatius ta number dos ku 1.520 moveshon den e di dos kuartal. Saba ta esun mas chikitu ku 680 moveshon di avion.
Bahada pa i for di Boneiru
E kantidat di moveshon aéreo a oumentá, pero e kantidat di pasahero ku a bula bai bin pa Hulanda Karibense, a baha den e di dos kuartal ku 4,9 porshento. Na Boneiru e kantidat di pasahero ku a yega i sali a baha ku 7,1 porshento, na Saba 1,1 porshento. Na Sint Eustatius e kantidat di pasahero ku a atendé a subi ku 5,2 porshento.
En total 76,6 mil pasahero a bula pa Boneiru bai bin den e di dos kuartal. Mayoria pasahero (50 porshento) tabatin Kòrsou komo orígen òf destinashon direkto. Amsterdam tabata na di dos lugá ku 24 porshento.
E balor di merkansianan importá pa Hulanda Karibense ku avion tabata den e di dos kuartal 6,5 mion dòler merikano. Kompará ku un aña anterior esaki tabata nifiká un subida di kasi 39 porshento.