Hulanda Karibense: relativamente hopi empleado temporal na Saba
Na 2018, 72 porshento di personanan entre 15- pa 75 aña na Hulanda Karibense tabata tin un trabou pagá. Boneiru, Sint Eustatius i Saba tabata konta ku respektivamente 11,2 mil, 1,9 mil i 1,2 mil personanan empleá. E porsentahe di empleadonan ku un kontrakt temporal tabata mas haltu di na Saba (22 porshento). Den kasi tur sektor mas grandi na Saba tabatin relativamente hopi hende ta traha ku un kòntrakt temporal. Esaki ta evidente for di e Investigashon na Forsa laboral di Hulanda Karibense (ALO-CN) 2018 kondusí pa CBS.
Un kuart di e empleadonan temporal tin menos ku 25 aña
Den 2018, algu mas ku mitar di e empleadonan temporal na Saba (59 porshento) i na Boneiru (54 porshento) tabata hende muhé. Na Sint Eustatius esaki tabata trata ménos ku mitar (43 porshento). Riba tur tres isla mas o ménos un kuart di e empleadonan temporal tabata tin menos ku 25 aña.
Mas ku mitar di e empleadonan temporal na Boneiru (54 porshento) i Sint Eustatius (58 porshento) a nase na un di e islanan di e parti Karibense di Reino Hulandes (Aruba, Kòrsou i Sint Maarten). Na Saba esaki tabata 48 porshento. Un parti relativamente grandi di e empleadonan temporal na Saba i Sint Eustatius tabata bini for di otro paisnan di Sentro- i Sur Amérika, respektivamente 36 porshento i 33 porshento. Na Boneiru esaki tabata 23 porshento. Kompará ku Boneiru (1 porshento) i Sint Eustatius (1 porshento) tabatin relativamente hopi Nort- Amerikano bou di e empleadonan temporal trahando na Saba (6 porshento). Na Saba tin un Universidat Médiko Merikano establesé.
Hopi empleado temporal den hóreka i industria di konstrukshon
Boneiru
E industria mas grandi na Boneiru tabata e atministrashon públiko i e servisionan gubernamental. Den 2018, 11 porshento di e personanan empleá den e industria aki tabatin un kontrakt temporal. Otro industrianan grandi ku relativamente un kantidat mas haltu di empleado temporal, ta hóreka i e sektor di salú. Den hóreka esaki tabata 26 porshento i den salubridat i bienestar 20 porshento.
Sint Eustatius
Sint Eustatius tin un terminal di petrolio grandi. Den 2018, e sektor di fabrikashon tabata esun mas grandi na e isla aki. Relativamente un gran parti di nan trahadónan tabata tin un kontrakt temporal den e sektor di fabrikashon. Únikamente den e sektor di konstrukshon tabatin un poko mas empleado ku un kontrakt temporal (22 porshento).
Saba
Na Saba e sektor públiko i e sektor di edukashon ta ser representá di un forma evidente. Den e atministrashon públiko e porsentahe di empleadonan temporal ta kasi mesun haltu ku na e otro islanan. Den enseñansa e porsentahe di empleadonan temporal tabata dos biaha mas tantu (27 porshento) kompará ku na Boneiru i Sint Eustatius. Tambe den salubridat i bienestar, konstrukshon i komèrsio e porsentahenan tabata relativamente haltu kual tabata, 37, 34 i 27 porshento respektivamente.
Fuentenan:
StatLine – Hulanda Karibense; partisipashon laboral, sifranan prinsipal http://opendata.cbs.nl/statline/#/CBS/nl/dataset/83165NED/table?dl=23241
StatLine – Hulanda Karibense; forsa laboral trahando, kompania SBI 2008 http://opendata.cbs.nl/statline/#/CBS/nl/dataset/83169NED/table?dl=200AB