Kon e dunadó di pèrmit ta evaluá si ta eksistí bastante abilidatnan general pa dirigí un kompania?

E petishonario por indiká por ehèmpel:

• su edukashon eskolar (kua estudionan, kompletá/ no kompletá (esei ke mèn: si e estudio ta wòrdu será ku un eksamen, si e diploma a wòrdu optené);
• di kua tempu te kua tempu a sigui e estudio ei i serka kua instituto(nan) di edukashon;
• eventual kursonan relevante ku kua e petishonario por demonstrá di a alkansá un nivel di desaroyo sufisiente, si el a haña poko edukashon general eskolar. Pa duna un ehèmpel: un diploma di atministrashon di empresa.

Pues ta trata di abilidatnan general, no di konosementu di ofishi spesífiko pa un sierto tipo di empresa. I si e petishonario ta manehá un otro empresa un tempu kaba, komo doño òf komo gerente – aunke ku el a risibí masha poko edukashon – esei naturalmente tambe ta un indikashon ku e petishonario ta disponé di sufisiente ‘abilidatnan empresarial’.