Fiansa
FINEB tabata duna un fiansa di estudio kada aña pa kubri gastunan di bibienda, supsistensia i gastunan di estudio (por ehemplo sèn di buki, material di estudio obligatorio i sèn di kolegio) na studiantenan boneriano ku tabata bai studia na Boneiru, Kòrsou, Aruba òf na Hulanda. Pa studiantenan di LOFO e fiansa tabata tin komo meta pa kubri e gastunan di e sèn di buki i sèn di kolegio. Bou di studiante LOFO, ta wòrdu komprondé un studiante ku ta sigui òf ku a sigui e Estudio di Dosente Enseñansa di Fundeshi (LOFO, Leraren Opleiding Funderend Onderwijs).
Suma prinsipal i Fiansa adishonal
E fiansa di FINEB tabata konsistí di un Suma prinsipal ku eventual un Fiansa Adishonal. E Fiansa Adishonal aki tabata destiná pa gastunan spesial di e studiante. Por ehemplo gastunan pa material èkstra di estudio obligatorio (gastunan di estudio imprevisto), stage den eksterior òf gastunan a konsekuensia di gastunan di biahe relashoná ku enfermedat grave/ fayesimentu di un mayor. E Suma prinsipal por wòrdu dispensá parsialmente. E fiansa adishonal mester wòrdu pagá bèk kompletamente, den tur kaso.
Akuerdo
E fiansa di FINEB tabata wòrdu otorgá a base di un akuerdo entre e studiante i e FINEB. E studiante tabata firma pa akuerdo ku e kondishonnan ku tabata stipulá pa e fiansa. Asina un di e kondishonnan ta ku e studiante tabata komprometé su mes di paga e fiansa bèk.
E kondishonnan general i e kondishonnan di fiansa ta deponé serka e Griffie di e Korte den Promé Instansia di e Antia Hulandes anterior na Boneiru (2004, 2005, LOFO).
Bòrg
E akuerdo pa e fiansa di FINEB a wòrdu será bou di fiansa. Esaki ta nifiká ku no solamente e studiante ta responsabel pa e pago bèk, pero tambe e bòrg. E bòrg ta un persona ku, banda di e studiante, a hasi su mes responsabel pa e pagamentu bèk di e debe, sin restrikshon! E persona aki den práktika ta e mayor di e studiante. Pero esaki por ta un otro hende tambe, por ehemplo e pareha (di e tempu ei) di e studiante.
Pago bèk den dòler
For di 1 di yanüari 2011, e dòler ta e medio legal di pago na Boneiru. P’esei e fiansa di FINEB mester wòrdu pagá bèk den dòler. Pasobra e fiansa den mayoria kaso a wòrdu otorgá den florin antiano, RCN-Studiefinanciering a konbertí e debe di estudio den dòler. P’esei a utilisá e tipo di kambio ofisial (di $ 1,- ta NAf 1,79) (NAf 1,- ta $0.5887).
Bo a studia na Hulanda? E ora ei e FINEB a paga e fiansa den euro, via e Stichting Studiefinanciering Curaçao (SSC). E debe di estudio aki tambe a wòrdu konbertí den dòler. Pa esaki ta utilisá e tiponan di kambio promedio anual manera esakinan ta wòrdu fihá dor di e Nederlandse Bank. Ta trata di e tiponan di kambio anual promedio den a aña kalendario den kua e aña di estudio konserní a kuminsá. Den e tabèl abou, e tiponan di kambio aki ta menshoná.
Tabèl tipo di kambio anual promedio
| Aña di estudio | Aña kalendario | Euro | Dòler | |
|---|---|---|---|---|
| 2004-2005 | 2004 | 1,00 | = | 1,2439 |
| 2005-2006 | 2005 | 1,00 | = |
1,2441 |
| 2006-2007 | 2006 | 1,00 | = | 1,2556 |
| 2007-2008 | 2007 | 1,00 | = | 1,3705 |
| 2008-2009 | 2008 | 1,00 | = | 1,4708 |
| 2009-2010 | 2009 | 1,00 | = | 1,3948 |
| 2010-2011 | 2010 | 1,00 | = | 1,3257 |
| 2011-2012 | 2011 | 1,00 | = | 1,3920 |