FINEB

Minister di OCW a disidí a base di un petishon di Kolegio Ehekutivo di Boneiru pa renunsiá su derecho di reklamá pago bèk di debe di estudio habrí na FINEB. Debenan habrí ainda lo ta kanselá entrante promé di yanüari 2025. Entrante e fecha ei bo no tin niun debe na FINEB mas. Bo debe na FINEB e ora ei ta 0 USD i pues bo no tin nodi di paga bèk niun debe na FINEB tampoko despues na un momentu dado.
Paga tinu: esaki pues no ta konta pa debenan ku ta kai bou di e WSF BES òf debenan ku bo mester paga DUO bèk ku ta kai bou di e WSF 2000. 

Bo no ta di akuerdo ku e dispensashon? I bo ta deseá di paga bèk e debe di estudio aki tòg? E ora ei, indiká esaki mas pronto posibel na RCN-studiefinanciering. Si denter di 8 siman despues di e fecha riba e karta/e-mail nos no tende nada di bo, nos ta asumí outomátikamente ku bo ta di akuerdo ku dispensashon di e debenan na FINEB entrante promé di yanüari 2025.

Nò. Si bo no tin opheshon kontra dispensashon di bo debe habrí na FINEB entrante promé di yanüari 2025, bo no tin nodi di hasi nada relashoná ku RCN-studiefinanciering.

Bo tin un ‘standing order’ na banko òf un ‘órden di pago programá’ den bo online banking pa pago bèk di e debe na FINEB? E ora ei bo mester para esaki mas pronto posibel.

Bo (taba)tin un debe habrí na FINEB ainda entrante promé di yanüari 2025? E ora ei lo dispensá esaki entrante promé di yanüari 2025. E dispensashon tambe ta konta pa eventual pago atrasá i debe di gastu di deurwaarder habrí (relashoná ku e debe di estudio na FINEB).

Tur debedó ku a/lo haña dispensashon di e debe na FINEB a haña un notifikashon tokante esaki. Esnan ku a para bòrg pa e debedó aki tambe a haña un notifikashon tokante esaki.

Bo ta kere ku riba promé di yanüari 2025 bo tabatin un debe na FINEB habrí ainda, pero bo no a haña un notifikashon tokante esaki? E ora ei bo por tuma kontakto ku RCN-studiefinanciering.

Sí. Lo dispensá tambe tur pago atrasá i gastu di deurwaarder habrí relashoná ku e debe na FINEB entrante promé di yanüari 2025.

Nò. Solamente debe habrí na FINEB lo dispensá entrante promé di yanüari 2025.

Bo tin problema ku pago bèk di debe bou di e WSF BES òf bou di e WSF 2000? E ora ei, tuma kontakto ku RCN si ta trata di un debe WSF BES, òf ku DUO si ta trata di un debe a base di e WSF 2000.

E debenan di estudio FINEB ta diferente for di debenan di estudio a base di e WSF BES i e WSF 2000. For di aña 2010, RCN-studiefinanciering ta enkargá ku kobransa di e fiansanan di FINEB, na nòmber di Minister di Enseñansa, Kultura i Siensia (OCW). Pero e fiansanan di estudio di FINEB no ta konsedé pa e Minister di OCW a base di legislashon di OCW, pero a base di un kontrakt entre e studiante i e fundashon FINEB. E stipulashonnan ku ta aplikabel pa fiansanan na FINEB no ta pas bon den e sistema di finansiamentu di estudio. E manera ku a konsedé e fiansanan di FINEB tambe ta opsoleto i no ta kuadra ku tempu di awor. P’esei e Minister di OCW, riba petishon di Kolegio Ehekutivo di Boneiru, a disidí di dispensá e debenan di estudio habrí di FINEB.

Nò. Lo dispensá solamente debenan na FINEB ku riba promé di yanüari 2025 ta habrí ainda. E dispensashon tambe ta konta pa eventual pagonan atrasá i gastunan di deurwaarder habrí (relashoná ku e debe di estudio na FINEB).

Sí. Si despues di promé di yanüari 2025 ainda bo a paga un montante, lo paga bo bèk e montante ei mas pronto posibel.

Na fin di aña 2024 e Minister, riba petishon di Kolegio Ehekutivo di Boneiru, a disidí pa dispensá e debenan di estudio habrí na FINEB. Pa motibu relashoná ku ehekushon, a skohe pa dispensashon entrante promé di yanüari 2025.

Si bo tin problema ku pago di bo debe di estudio a base di e WSF BES, semper bo por tuma kontakto ku RCN Studiefinanciering. Pa problema ku pago bèk di e debe di estudio WSF 2000, bo por tuma kontakto ku DUO (duo.nl/cariben). Nan por wak huntu ku bo si por ehèmpel a hasi petishon korektamente a base di bo kapasidat finansiero, di moda ku bo no tin nodi di paga mas ku loke ta posibel a base di bo entrada. Tambe por wak si kisas mester hasi palabrashon tokante pago bèk di un eventual pago atrasá. Den e kaso ei tambe lo tene kuenta ku bo situashon personal.