Bòrg

Pagamentu bèk dor di e bòrg

Si e debedó paga e suma mensual muchu lat, òf paga inkompleto òf no paga, e ora ei e bòrg ta wòrdu demandá pa paga e sumanan habrí. Promé e debedó ta haña un rekordatorio pa pago ainda. E RCN-Studiefinanciering no a haña e suma atrobe promé ku e fecha di vensementu? E ora ei e bòrg ta wòrdu demandá pa paga e suma habrí.

Aunke ku e debedó a komprometé su mes di notifiká FINEB (RCN-Studiefinanciering) di kambionan di adrès, por sosodé ku nos no tin e adrès mas resien di debedó den tur kaso. Den e kaso ei e bòrg ta wòrdu demanda pa paga e suma habrí. Pero si e bòrg pone RCN-Studiefinanciering, na tempu, den kontakto ku e debedó, e ora ei e debedó lo wòrdu informá via e ruta ei, di e obligashon di paga bèk. 

Bòrg ta paga e diferensia

Si e debedó por paga ménos pa luna a base di un midishon di forsa finansiero, e ora ei e diferensia ta wòrdu kobrá serka e bòrg. RCN-Studiefinanciering lo tuma kontakto ku e bòrg den e kaso ei, tokante e suma mensual ku e bòrg mester paga.

Areglo di pago

Si e debedó no ta paga mes, e ora ei e bòrg ta wòrdu demandá pa paga e fiansa kompleto, ku interes, bèk den un solo biaha.  

E bòrg no ta kapas di pa paga e debe di estudio kompleto, den un solo biaha? E ora ei e bòrg por pidi un areglo di pago. E bòrg e ora ei ta paga, un suma fiho pa luna bèk. Dependiente di e nivel di e fiansa, un periodo di pago ta konta di máksimo dies aña.  E durashon di e periodo di pago ta dependé di e nivel di e debe di estudio total (eksklusivo interes).

Ekstenshon di e periodo di pago

E sumanan mensual di e areglo di pago ta muchu haltu? E ora ei e bòrg por entregá un petishon pa ekstendé e periodo di pago. Dor di ekstendé e periodo, e suma mensual ta baha.

Midishon di forsa finansiero

E bòrg a pidi pa un areglo di pago i un ekstenshon di e periodo di pago, pero e suma mensual te ainda ta muchu haltu? E ora ei e bòrg por hasi un petishon pa un midishon di forsa finansiero. Den e determinashon di e suma ku e bòrg mester paga pa luna, e ora ei ta tene kuenta ku e entrada di e bòrg.

Si resultá ku e bòrg por paga ménos bèk, e ora ei e diferensia eventual ta wòrdu kobrá serka un otro bòrg. Si no tin otro bòrg, e ora ei e diferensia pa e aña kalendario konserní ta wòrdu dispensá.  Esaki ta nifiká ku tantu e debedó komo e bòrg no tin nodi di paga e diferensia di e aña kalendario konserní ei. Tampoko si e debedó òf e bòrg bai gana mas den futuro i pues haña mas forsa finansiero.

Paga na tempu

RCN-Studiefinanciering mester a risibí e suma mensual pa mas tardá, promé ku fin di kada luna kalendario. No e fecha ku e bòrg transferí e suma ta konta, pero e momento kue e sèn ta pará riba e kuenta di RCN-Studiefinanciering. Por tin un òf mas dia di diferensia den esaki.

Pa evitá ku e suma wòrdu paga muchu lat, nos ta rekomendá pa sera un standing order /kobransa outomátiko ku e banko. Tambe por transferí e suma komo un transferensia periódiko via online banking.

Konsekuensianan di pagamentu muchu lat

E bòrg no ta paga e suma mensual, òf ta paga inkompleto òf muchu lat? E ora ei e bòrg ta haña un rekordatorio pa pago (aanmaning) pa e suma habrí. Tambe e bòrg ta kore e riesgo ku kobra gastunan atministrativo di $ 10,-.  RCN-Studiefinanciering a bolbe keda sin risibí e suma promé ku e fecha di vensementu?  E ora ei e suma ta wòrdu kobrá dor di un dùrwarder.

E gastunan di kobransa, tantu hudisial komo no hudisial, i e gastunan di persekushon legal ta bai pa kuenta di e bòrg.  Riba e suma habrí ta kobra interes legal.

Ademas RCN-Studiefinanciering tin e derechi pa tèrminá e areglo di pago si e bòrg no kumpli ku e obligashon di pago (na tempu). E sobra di e debe di estudio ku e bòrg mester paga, den e kaso ei mester wòrdu pagá den un solo biaha.