Pagamentu bèk

Paga bèk den un solo biaha

Punto di salida ta ku e debe di estudio mester wòrdu pagá bèk den un solo biaha. E suma kompleto mester ta pagá bèk promé ku e fecha menshoná den e karta ku bo risibí di RCN-Studiefinanciering. Si bo paga e henter debe di estudio den un solo biaha, bo no tin nodi di paga interes.

Areglo di pago

Naturalmente nos ta konsiente ku no ta posibel pa tur hende paga e suma bèk den un solo biaha. P’esei ta posibel pa pidi un areglo di pago. E ora ei bo ta paga bo debe di estudio pa luna. Den e kaso ei bo mester paga interes riba bo debe di estudio total. E porsentahe di interes ta 10% pa aña. Bo no por paga e suma kompleto den un solo biaha, pero un parti si? E ora ei bo no tin nodi di paga interes riba e parti ei, si bo transferié promé ku e fecha menshoná den e karta. Ademas e suma mensual di bo areglo di pago ta baha, si bo a paga un parti di bo debe di estudio kaba.

Konsekuensianan di paga lat

Si bo no pidi un areglo di pago i bo no paga bo debe di estudio (òf no kompleto),  e ora ei bo ta haña un rekordatorio pa pago (un aanmaning) pa s suma ku ta habrí. Tambe bo ta kore e riesgo ku ta kobra gastunan atministrativo di $ 10,- . RCN-Studiefinanciering mas despues, atrobe no risibí e pago promé ku e fecha di vensementu? E ora ei bo bòrg ta wòrdu demandá pa paga e suma habrí. Si e bòrg tambe no paga e suma (òf no paga e suma kompleto) i na tempu, e ora ei e suma ta wòrdu kobrá serka bo (i/òf bo bòrg) dor di un dùrwarder. E gastunan di kobransa, tantu hudisial komo no hudisial, i e gastunan di persekushon hudisial ta bai pa bo kuenta. Riba e suma habrí ta kobra interes legal.  

No paga bèk ora ta trata fayesimentu

Si bo a fayesé, e debe di estudio habrí, lo no wòrdu kobrá mas. Esaki ta nifiká ku bo bòrg i bo famianan no mester paga. Kondishon ta si, ku bo a aseptá e kondishonnan nobo.