Supsidio pa start

E supsidio pa start tin komo meta pa paga bo biahe, ekipo, instalashon i transishon na Hulanda Oropeo.  Tin kondishonnan relashoná ku bo edat, bo estudio i bo nashonalidat i lugá di biba.

  • Edat: bo ta mas hóben ku 30 aña. Pa mbo ta konta banda di esei ku bo tin 18 aña di edat òf mas.
  • Estudio: bo ta bai sigui fultaim mbo nivel 3 òf 4, hbo òf un estudio universitario na Hulanda Oropeo
  • Nashonalidat i lugá unda bo ta biba: Bo ta biba den Hulanda Karibense i bo tin nashonalidat hulandes. Bo no tin e nashonalidat hulandes? E ora ei bo mester ta biba den Hulanda Karibense pa por lo ménos dies aña, pa bini na remarke.

Beka di prestashon i fiansa

E supsidio pa start ta konsistí di un beka di prestashon. Banda di esei bo por fia un parti. E beka di prestashon ta wòrdu pagá komo un fiansa provishonal inkluso interes. Si bo optené bo diploma dentro di e periodo di diploma di 10 aña, e ora ei e beka di prestashon inkluso interes, ta wòrdu konbertí den un regalo. Bo a fia sèn banda di e beka di prestashon? Bo mester semper paga esei bèk inkluso interes.

Sumanan

Den 2023 bo por pidí máksimo $8.369.94 komo supsidio pa start. E suma ta konsistí di $ 2789.98 beka di prestashon i $ 5.579.96 fiansa.