Hasi petishon pa supsidio pa start

E supsidio pa start ta konsistí di un beka di prestashon i un fiansa. E beka di prestashon ta wòrdu konbertí den un regalo si bo optené bo diploma dentro di dies aña. E parti di e supsidio pa start ku bo fia, bo mester semper paga bèk. 

Bo por hasi petishon pa e supsidio pa start ku e formulario Petishon supsidio pa start Hulanda Karibense (pdf). Bo por usa e formulario aki si bo ke adaptá bo petishon.

Aklarashonnan riba e formulario

Adrès unda bo ta biba

Yena aki e nòmber di kaya di e adrès unda bo ta biba. Bo no tin datonan di adrès eksakto? Duna mas tantu informashon tokante bo adrès posibel.

Adrès pa pòst

Si bo ke risibí bo pòst na un otro adrès ku e adrès unda bo ta biba, e ora ei yena bo adrès pa pòst aki.

Isla

Skohe e isla unda bo ta biba na e momento aki.

Lugá di nasementu

Yena aki, e nòmber di e lugá i e isla unda bo a nase.

Nashonalidat i lugá unda bo ta biba

Marka aki kua situashon ta aplikabel na bo. Nos lo puntra bo, despues di mèldu, pa demostrá bo nashonalidat i lugá unda bo ta biba pa medio di un ekstrakto di e registro sivil di bo isla.

Datonan bankario

Yena bo number di kuenta. Nos lo depositá bo finansiamentu di estudio riba e number di kuenta aki.

Datonan di estudio

Yena aki e datonan di e estudio ku bo ta bai sigui. Riba e website di e skol bo ta haña e informashon aki.

Tipo di estudio

Indiká aki ki tipo di estudio bo ta bai sigui.

• Mbo: 
  Enseñansa profeshonal sekundario. Den e mbo tin dos ruta edukativo: e ruta guia di profeshon (bbl) i e ruta formashon di profeshon (bol).
  BOL ta konosé kuater nivel: nivel 1: estudio di asistente, nivel 2: estudio di profeshon básiko, nivel 3: estudio di ofishi, nivel 4: estudio di middenkader (nivel mediano) i estudio di spesialista.

• Hbo: 
  ​Enseñansa profeshonal superior

Bo no tin derechi riba finansiamentu di estudio pa kada estudio:

• MBO (BOL) nivel 3 òf 4: si tin derechi riba supsidio pa start
• MBO nivel 1òf 2 BOL òf BBL: no tin derechi riba supsidio pa start
• HBO: si tin derechi riba supsidio pa start
• Universidat: si tin derechi riba supsidio pa start

Esaki ta un estudio fultaim òf partaim?

Indiká aki si bo ta bai sigui un estudio fultaim òf partaim. Solamente pa un estudio fultaim bo tin derechi riba finansiamentu di estudio.

Kon largu e estudio ta dura?

Indiká aki kon largu e estudio ta dura. E estudio ta dura ménos ku un aña? E ora ei bo no tin derechi riba finansiamentu di estudio.

For di kua fecha bo ta inskribí pa e estudio?

Yena aki e fecha for di kua bo ta inskribí pa e estudio. Mayoria biaha esaki ta e promé dia di e luna den kua e lèsnan ta kuminsá.

Kua supsidio pa start bo ke?

Bo por hasi petishon pa e supsidio pa start pa un estudio den enseñansa profeshonal nivel 3 òf 4 i den enseñansa superior den e parti europeo di Hulanda. E supsidio pa start no ta konta pa enseñansa profeshonal nivel 1 òf 2. 

E supsidio pa start ta konsistí di un beka di prestashon i un fiansa. E beka di prestashon ta wòrdu konbertí den un regalo, si dentro di 10 aña bo optené bo diploma. E parti di e supsidio pa start ku bo fia bo mester semper paga bèk.
E suma máksimo pa e beka di prestashon ta $ 2,289.65. E suma máksimo pa e fiansa ta $ 4,579.31. En total bo por pidi un supsidio pa start di $6,868.96.

Bo ke hasi uso di guia pa Hulanda?

Bo ke hasi uso di guia pa Hulanda? E ora ei bo por indiká esei aki.